نوگل رباب اصغر غنچه لب گلوب بوگون
سالماقا دل عالمه تاب و تب گلوب بوگون
عالمی ایدوب قدومی گورنه باصفا
گلدی زاده حسین شهید کربلا
جانیم اصغر علی علی جانیم اصغر(۲)
گلستان ایدوب عالمی گل کیمی صفایه باخ
جنته دونوبدور حسینون ایوی عطایه باخ
اصغری حسینه حق بوگون عطا ایدوب
اصغریله شیعه دردینه دوا ایدوب
جانیم اصغر علی علی جانیم اصغر(۲)
اصغری حسین آلدی آغوشینه اوپوب یوزون
بیرده اوپدی اصغر بوغازین اوشه یوموب گوزون
غنچه لبلرین ایدوبدی بوسه آغلادی
قلب عالمی نوا ایدوبدی داغلادی
جانیم اصغر علی علی جانیم اصغر(۲)
ویردیلر رقیه آلوب سینیه دیدی اخا
اللرین اوپوب باخدی سویلوب باجون سنه فدا
نازیله دیور رقیه لایلای اصغریم
قلبده حسین دییردی ایوای اصغریم
جانیم اصغر علی علی جانیم اصغر(۲)
اصغری ابوالفضل آلوبدور اودم قوجاقینه
حسرتیله بوسه ویروبدور اونون دوداقینه
منفعل توکردی گوزیاشی او باوفا
جفت قولوم دییردی اصغریم سنه فدا
جانیم اصغر علی علی جانیم اصغر(۲)
اختر ولانی آناسی رباب اله آلوب
گل جمالینه اصغرین شوریله نظر سالوب
سسلنردی ای اورکده تاب و طاقتیم
سنله دهریده چوخالدی شأن و شوکتیم
جانیم اصغر علی علی جانیم اصغر(۲)
شاه دین حسینه خدا پای ویروب سنی اوغول
فاطمه یانیندا سرافراز ایدوب منی اوغول
سن عزیز مرتضایه نور عین سن
زینت و مدال سینه حسین سن
جانیم اصغر علی علی جانیم اصغر(۲)
بانی دور بو اشعاره بیر مادحون آدی صمد
شوریله یازاندا (نوین)ایتمیشم اونا مدد
یاز بو ایکی عاشقه برات کربلا
ایله دیلده دردلرینه سن اوزون دوا
جانیم اصغر علی علی جانیم اصغر(۲)
- سه شنبه
- 21
- اسفند
- 1397
- ساعت
- 11:30
- نوشته شده توسط
- ابوالفضل عابدی پور
- شاعر:
-
علی نوروزی (نوین)
ارسال دیدگاه