در گنجینه رحمتدی جواد ابن رضا
بحر احسان و کرامتدی جواد ابن رضا
گل گلزار ولایتدی جواد ابن رضا
شانه باخ شوکته باخ شاهلار اونون نوکریدی
بو رضانون بالاسی شیعه لرون دلبریدی
گوهر کنز شرف لوءلوء رخشاندی جواد
قمر برج ادب معنی رحماندی جواد
ناصر دین نبی ناطق قرآندی جواد
حافظ بیرق حقدور شه مردان بالاسی
ظلمه باش اگمیجاق شاه خراسان بالاسی
ای رضانون گولونه عاشق اولان پیر و جوان
او گوزل آدینی عمرونده ایله ورد زبان
دردون اولسا دیگولن بو شَهَه اولما نگران
قلزم جود و سخادور بو رضانون بالاسی
درده درمان ائده جاقدور آقالارون آقاسی
الی بوش سائلی سالماز یولا دلبند رضا
نفسی پاکیدی رد اولماز اگر ایتسه دعا
شرطی واردور دییَسن دردیوی بی قید و ریا
صدقیلن یالوار آچیلسون یوزوه غم قفسی
مشگلون حل ائده جاق باب الحوائج نوه سی
- سه شنبه
- 21
- اسفند
- 1397
- ساعت
- 16:36
- نوشته شده توسط
- ابوالفضل عابدی پور
- شاعر:
-
جمال حبیبی زنجانی
ارسال دیدگاه