• یکشنبه 3 شهریور 98

 ولی الله کلامی زنجانی

متن شعر ترکی تقدیم به شهدای لشکر عاشورای تبریز و همرزمانِ شهید باکری -(من باکرییَم عاشق بی تاب شهادت)

62

من باکرییَم عاشق بی تاب شهادت
مرشد منه ایماندی یولوم راه سعادت
هر یرده یازون آدیمی سرباز ولایت
سربازیدیم اما اوجادوب شأنیمی حیدر
اولدوم صف عشّاقیده فرمانده ی لشگر


من باکرییَم قرآنا خاطر قانا باتدیم
شکر ایلرم اللهه بیوک منصبه چاتدیم
باشدان یارالاندیم آنامین باشین اوجاتدیم
عرض ائتدیم الهی منی پاکیزه قبول ائت
آل جانیمی قربانی اولاد رسول ائت


من باکرییَم ائتمدی الله منی مأیوس
رحمت قاپوسین آچدی اولام یاریله مأنوس
بیلمور ولی بیر عده شهادت ندی،افسوس
هر کیمده شعور اولسا گئدر راه شهیده
عاشق بو یولی گئتسه چاتار شاه شهیده


من باکرییَم مهدی آدیم صاحبِ نامم
مهدی آقامین تحت لواسینده غلامم
فخریمدی علی پیشه و عباس مرامم
عباس نجه ساتمادی اغیاره حسینی
منده دئدیم عمرومجه امامیمدی خمینی


من باکرییَم زادگهیم شهر میانداب
رشد ائتدیم اورمیّه ده اولدوم گلِ شاداب
جنگین او یامان گونلری دوشدوم یولا بی تاب
غربیله جنوب وطنی گزدیم ئولونجه
هر نه منه بهتان دئدیلر دوزدوم ئولونجه


من باکرییَم تاپدی ائلیم گوهر مسعود
قارداشیم حمید اولدی قباخ نایل مقصود
خیبرده او،من بدریده ،باش یاره لی مفقود
گئتدوخ آرادان بیز ولی حق جلوه سی گئتمز
پیکر ایتر اما گُهر معرفت ایتمز


من باکرییَم وار هامی احراره سلامیم
هرگز عوض اولماز هدفیم خط و مرامیم
عالم بویی یولداشلاریما چوخدی پیامیم
بیز اولماروخ آینده ده اما سیز اولارسیز
چوخلار دگیشوب رنگینی،آیاسیز اولاسیز؟


من باکرییَم ساتمادیم ایمانیمی کفره
مؤمنلره جنتدی لحد کافره حُفره
امساک ائلدیم آچدی ملکلر منه سفره
افطاره قوناق گئتدیم ابوالفضل رشیده
چون شام غریبان شب وصلتدی شهیده


من باکرییَم لشکر عاشورادا سردار
سردار آدی بیزدن صورا دوشدی دله زینهار
فرماندهیدیم ساده گزردیم بیلور اخیار
چوخلار تانیمازدی غمیمه شرکت ائدردی
بعضی اوتوراردی اوزومه غیبت ائدردی


من باکرییَم جنگ ائلدیم اللها خاطر
نه منزلته نه هوس دلخواها خاطر
قالماز آدی دللرده کیم ئولسه جاها خاطر
آت کِبری مگر بنده ده مغرور اولی قارداش
مغرور اولانین آخری منفور اولی قارداش


من باکرییَم زاهد سنگر یل میدان
شاهددی مواساتیمه دورت آذری استان
هم اردبیل و تبریز،ارومیه و زنجان
بو دورت یرین اهلیله یاخون یولداشیدیم من
رزمنده لریله ائله بیل قارداشیدیم من


ای جبهه ده طوفان یارادانلار ائلیون جهد
کامینده جهاد ائتمیه نون زهره دؤنر شهد
یاریله فراموش اولا گر باغلادیقوز عهد
اسلام آغاجی باغ محبتده اوجالماز
دینین،آدی باقی قالار،اما ئوزی قالماز


ای سگّیز ایل آزاده جهاده گئدن اشخاص
ای موجیلی اروندی یاران عشقیلی غوّاص
همت ائلیون جامعه ده ئولمه سین اخلاص
زیر علم عشقه گلن ناسپاس اولماز
عالمده وفا اهلی نمک ناشناس اولماز


چوخ یئرده بوگونلر دل اولوب اوت،آلشان یوخ
قهر وغضب آرتوبدی کوسن وار باریشان یوخ
ایمان آزالوبدی شهدادن دانشان یوخ
چوخلار که وراردی دوشونه سنگ شهیدی
تبلیغ ائلموللر داخی فرهنگ شهیدی


عمرون قوتارور فرصتون ای شیعه طلادی
عاشورادی هرگون هامی یر کرب و بلادی
رهبر غمی قلبنده غم شاه ولادی
هی داد ورور بلکه خواصی ائده بیدار
تا خاطرهٔ طلحه زبیر اولمیا تکرار


من باکرییَم مونسیم اهل کرم اولسون
قبریمده که یوخدی دییم اوستی حرم اولسون
بوغملی پیامیم اورگوزده ورم اولسون
نامحرم الین قطع ائلیون دور و بروزدن
دنیا طلب اولساز ورار الله کمروزدن


من باکرییَم یازدیم اورک داغلی وصیت
تا کیم اوخوسا ائتمیه تحریف ارادت
محور منه هر حالدا ولایتدی ولادت
آری بو ولایت یتیشر آل رسوله
بو ارزشین اوستونده دگوب سیلی بتوله


آگاه اولون ای عشقیلی یاران ولایت
زهرا ائلدی جاننی قربان ولایت
سیراب اولونوب قانلا گلستان ولایت
راه شرفین فاطمه تک قربانی واردی
آرام ایاقین قوی یئره،محسن قانی واردی


  • چهارشنبه
  • 22
  • اسفند
  • 1397
  • ساعت
  • 12:32
  • نوشته شده توسط
  • ابوالفضل عابدی پور

ارسال دیدگاه


آموزش مداحی سایدبار صداسازی1 سایدبار

ورود با حساب گوگل

ورود کاربران