گئت عرض ائله باد صبا خیر النّسایه
اوغلون ئولوب یا فاطمه دور گل عزایه
مظلوم اولوبدور تک به تک آل پیمبر
تأثیر ائدوبدور غملری دنیایه یکسر
اوغلون نقی نون حالینه آغلار ملک لر
سنده بو غمده گل خانم شور و نوایه
گلدی بو غمده شیعه لر شور و نوایه
پیغمبر اکرم بو گون باتموش عزایه
مسموم ائدوبلر اُول شهی باخ بیر جفایه
عصرین امامی آغلوری اُول مقتدایه
دریای جود و فضلیدی ، کانِ کرامت
صد حیف بولموب قدرینی اهل ضلالت
بو غمده اولموش شیعه لر غرق مصیبت
شیعه فغانی وار یری چخسون سمایه
من «تابع دینم» ولی عبد ذلیلم
بیر روسیاهم درگهِ حقّه دخیلم
واضحدی بو مطلب سیزه روحاً علیلم
لطف ائت خانم اَل آچمیوم شاه و گدایه
- پنج شنبه
- 23
- اسفند
- 1397
- ساعت
- 11:34
- نوشته شده توسط
- ابوالفضل عابدی پور
- شاعر:
-
محمد حسن تابع دین
ارسال دیدگاه