• پنج شنبه 9 فروردین 03


متن شعر ترکی احوالات حضرت امام هادی علیه السلام -(«حسینی» حشریده اولماز بلا گرفتاری)

1377

«حسینی» حشریده اولماز بلا گرفتاری
اولان امام علیّ النّقی عزاداری

فغان و داد سپهرین بو کجمداریندن
گوتورمز ال ستم و جور بی شماریندن

ایدوب رسول کرام اهل بیتینی مظلوم
اوتانمیوب اولارین چشم اشکباریندن

تمام آل محمّد اولوب بلایه دچار
سالوب فلک اولاری آِری غمگساریندن

نظر امام علیّ النّقی شهادتی دور
گرک یازام اونون اوضاع روزگاریندن

او سروری متوکّل ایدوب جلای وطن
آیردی اول شه دینی دیار و داریندن

گلوب امام ایدوب سُرَّ مَن رَآده مقام
سالوب جهانه شرر آه شعله باریندن

ایگیرمی ایل شه دین سُرَّ مَن رَآده قالوب
ولیک چخمادی بیر گون بلا حصاریندن

یازولّا قرخ ایکی ایلدن بیر آز اولوب عمری(1)
یانوب مدام دلی درد و غم شراریندن

ایدوبدی عاقبت اول شاهی معتمد مسموم
نه شرم ایدوب آناسیندان نه کردگاریندن

علیحده خبریله شهید ایدوب مُعتزّ(2)
امان او ظالمین انگور زهرداریندن

ز بس موثّر اولوب زهر کین آخوب قانی
باباسی تک لب لعل شکر نثاریندن

رجب آیی ایکی یوز الّی دوردِ هجرتده(3)
اوچومجی گون قوتولوب دشمن انزجاریندن

و یا قالاندا ایکی گون جمادِ ئوخرادن
خلاص اولوب شه دین حال اضطراریندن

ایدوب دوشنبه گونی رحلت اول امام غریب
قصوری وار قلمین شرح احتضاریندن

ایدوبدی غسل و کفن اوغلی اون بیریمجی امام
گتوردی ضجّیه افلاکی آه و زاریندن

ایاق یالین باش آچوق چاک ایدوب گریبانین
تعجّب ایتدی گورن اول شهین شعاریندن

امامه بیر نفر عرض ایتدی بو نه عالمدور؟
مگر آتاسی ئولن ال چکر وقاریندن

پوزوب بو سوز حسن عسکرینون احوالین
اوجاتدی ناله و شیون دل فگاریندن

بویوردی حجّت حقدور آتام، ئولوب مظلوم
سزادی من تک اوغول گیچسه اعتباریندن

آتا جنازه سین ایلر بلی اوغول تشییع
گیچر قرار و توانا و اختیاریندن

بونی بو حالیله قوی سُرَّ مَن رَآده قالا
ایشیت بیر عکس خبر کربلا دیاریندن

شهید ایدوبله امام حسینی اهل جفا
او شه گیچوب ره جاناندا هر نه واریندن

غریب آتاسینی دفن ایلینمیوب سجّاد
اوزوب جفائیله ال باب تاجداریندن

آتا جنازه سین عریان گوروب، جگر قانین
ایدوب روانه یوزه نرگس خماریندن

«حسینی» اودلادی دنیانی آتشین سوزیله
دوباره سپدی سو اوز شعر آبداریندن
ــــــــــــــــ
(1) ارشاد مفید
(2) اثبات الوصیه مصعودی
(3) ارشاد مفید و جلاءالعیون

  • پنج شنبه
  • 23
  • اسفند
  • 1397
  • ساعت
  • 11:43
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران