چکیلدی یئرگویه قاره غم عظمادی یامهدی
اولوبدی ظلمیلن مسموم امام هادی یامهدی
باتوب عالم غمه
قان آغلار فاطمه۲
باتوبدی شیعه لر یاسه گئنه رخت عزا گئیدی
آقام وای دیلده عاشقلر ائدوب نوحه قرا گئیدی
جناندا جامهٔ ماتم خانیم خیرالنسا گئیدی
سمایه اهل ایمانین اوجالدی دادی یامهدی
غم ایامیدن یابن الحسن مغموم اولوب جدون
جفای معتز ملعونیدن مظلوم اولوب جدون
یانوب قلبی شرار سمّیدن مسموم اولوب جدون
ستملن دوغرانوب یاندی بوتون اکبادی یامهدی
پریشانم او مولانین ملال بی شماریندن
بنی عباس اونی درده گتیردی کین شعاریندن
چکوبلر سامرانین ملکونه طاها دیاریندن
چتیندی شرحه گلسون غملری دریادی یامهدی
دیار غربت و درد و غمیدی سامرا شهری
شقاوت شهری،کینه شهری،قوم اشقیا شهری
ولایتلن اولان بیگانه مردان دغا شهری
گرفتار اولدی جدون همدمی اولمادی یامهدی
وطندن دوشدی آواره سالوب مین درده دنیانی
نه یار و یاوری اولدی نه انصاری نه اعوانی
اونی تحت نظرده ساخلیاردی دشمن جانی
غم هجریندن آغلاردی اونون اولادی یامهدی
سالوب حصره گل زهرانی راحت قویمادی دشمن
عداوت جامه سین تندن جهاندا سویمادی دشمن
امامی اینجیدوب جور و جفادن دویمادی دشمن
چکوبدی گویلره باش فتنه و بیدادی یامهدی
او شاهین حالینه گؤزیاش توکر ارض و سما آغلار
رسول مصطفی آغلار،بتول ومرتضی آغلار
یانان قلبین سالار یاده امام مجتبی آغلار
جهانی یاندیرار اول سرورین فریادی یامهدی
گتیردی عالمی گرچه او شاهین محنتی درده
ئولوب غربتده دفن اولدی چکیلدی دردینه پرده
کفن سیز نعشی اوچ گون اوچ گجه قالمادی چوللرده
حسینون داغی عشاقه ملال افزادی یامهدی
کیمون باشی حسین تک بوجهاندا پر ملال اولدی
کیمه دنیاده بو ظلم ای امام مه جمال اولدی
چوخور یئرده یارالی نعشی گل تک پایمال اولدی
گتیردی آه و زاره عالم ایجادی یامهدی
غریب کربلایه اولسا هریئرده غریب آغلار
او شاهه حشر اولونجان زینب محنت نسیب آغلار
توکر گوزیاشی رخساره مزارینده«حبیب»آغلار
کی هر یئر کربلادی هرگون عاشورادی یامهدی
- پنج شنبه
- 23
- اسفند
- 1397
- ساعت
- 12:6
- نوشته شده توسط
- ابوالفضل عابدی پور
- شاعر:
-
علیرضا حضرتی (ناعمی)
ارسال دیدگاه