معتز عباسی قلب عالمی قان ایلدی
حضرت زهرانی جنتده او نالان ایلدی
تا اوتوردی تخت مسندده اولوبدور مستبد
نخوتیله بیر گونی سویلوبدی گل یا معتمد
بیر خصوصی مجلس اول گونده ائدوبدور منعقد
دهمین شمس ولانین قتلین عنوان ایلدی
معتمد راضی اولوبدور حق امامین ئولدوره
آغلادا اهل ولانی ، معتزی تا گولدوره
وقت او وقت اولدی جفاسین عالمینه بولدوره
زهریله ابن الرضانین قلبین القان ایلدی
زهر اثر ایتدی امامین سولدی رنگ صورتی
صاق صولا آغلار باخوب گوردی که یوخ هم صحبتی
قان اولان قلبین دوباره قان ائدوبدور غربتی
بو بویوک درده اورکدن آه و افغان ایلدی
دل دوداقی زهر اثر ایتجاق جفائیله یانوب
هر نقدری سو ایچوب کل وجودی اودلانوب
یادینه کرب و بلا دوشدی غمین آسان سانوب
دیده سین اوز جدینون حالینده گریان ایلدی
آخرین دمده آتاسین یاد ائدوبدور عسکری
دردینی آلدی امامین قورتولوبدی سوزلری
باغلیوب آغلار گوزون اودلاندی قلب مضطری
دفن و کفنین اول آتانین شاه ذی شان ایلدی
عمرینون ماهی امامین ظلمیله ایتدی افول
اولمیوب اما کفن گل جسمینه سم خیول
بیر کفنسیز شاهه حیراندور ولی کل عقول
هم اوزون هم عترتین بو دینه قربان ایلدی
قتلگهده روح شاهی قبض ائدوب جان آفرین
آیری بیر عالم اولوب ناله ائدور عرش برین
عترتی دوشدی بلایه اولدی جمله دلغمین
سعدین اوغلی ظلمیله تاراجه فرمان ایلدی
باغبان سیز گلشنه دولدی او دم زاغ و زغن
بلبلان دشت غم قورخوب یانوب باغ و چمن
قمچی لر قاخدی هوایه قورخودان اسدی بدن
عترت قرآنی نالان اهل قرآن ایلدی
آت دوشونده یوردی قیزلاری سپاه کین شعار
صاق صولا از بس قاچوب بعضی دوروب حیران باخار
بعضی سسلر زینبی بعضی فرات اوسته قاچار
بعضی جانین قورخودان تسلیم جانان ایلدی
قورتاروبدی اوخلارین هر اوخ آتان ، یرده کمان
خیمیه یوز قویدولار یوخدور دیین بیرجه دایان
من اشاریله دیوم گوشواره لرده واردی قان
تا که وار ، ظلمین او قوم سست ایمان ایلدی
اوت ویرانلار خیمه لرده بولموری واردی نلر
ناگهان زینب گوروب غملی ربابی سسلنر
یاندی گهواره ن علی حتما آنان غمدن ئولر
خانه ی صبر ربابی گور نه ویران ایلدی
( حیدری ) سن بولمسن نه چکدی او غمده رباب
غارتین احوالینی یازسان اولار نچه کتاب
بسدی بو یرده دایان قلب ملول اولدی کباب
حضرت ابن الرضا ، اشعاره احسان ایلدی
- پنج شنبه
- 23
- اسفند
- 1397
- ساعت
- 12:45
- نوشته شده توسط
- ابوالفضل عابدی پور
- شاعر:
-
داود حیدری
ارسال دیدگاه