باشیم اوسته گل حسینیم
ترک ایدوردنیانی زینب
گوزلوری جان اوسته آخر
سن کیمی جانانی زینب
دوشمشم ایلدن کناره قید غم پا بستیم من
چکموشم ازبس جفا وظلم دلدن خستیم من
درک قیل بوصون نفسده زینبون جان اوستیم من
بو گلن یولارون آخرگل اولا قربانی زینب
کیمسه یوخ بوغربت ایوده قیدیمه صون دمده قالسون
کیمدی سن تک بیرعزیزیم باشیم اوسته سایه سالسون
جان ویرنده دیزلرینه باشیمی رأفتله آلسون
جان ویرورافسوس دلده مین غم پنهانی زینب
ایلیوب تیر شماتت سینمی از بسکی یاره
شامل ایله باری قارداش لطفوی بودلفکاره
گل بو آخر ساعتیمده باشیمی بیرآل کناره
بذل ایده جانانه آسان صون نفسده جانی زینب
سینمی هجرونده تیرحسرتیله دلمشم من
سانما بیرآنی جهاندا غصه دن دینجلمشم من
جانویرن ساعتده قارداش باشون اوسته گلمشم من
قیل عوض گل باشیم اوسته گوزلوری اوآنی زینب
اول وفالی باجیم من دهریده ای شاه خوبان
هرنه امرایتدون حسینیم ایلدیم طوعیله اذعان
بیریانان مخیمده دوتدوم من سنه شام غریبان
قویمیوب عشقنده قالسون ذرّه جه نقصانی زینب
من دیمم دوت سنده قارداش زینبه شام غریبان
لیک آخرساعتیمدورلطف ایله گراولسا امکان
باشیمی گل آل دیزاوسته بیرتلاوت ایله قرآن
روحیمه لذتّدی قرآن چوخ سویرقرآنی زینب
بیراوزون مدّت اگر چه آتش آلامه یاندیم
هربلاعشقونده گلدی صبرایدوب امّا دایاندیم
باشیوین آردینجه دوشدم کوفه وشامی دولاندیم
ایلدی عشقونده مسکن منزل ویرانی زینب
سن اوساعتدن که باتدون قانیوه ای تاجداریم
جبریله باغلاندی شام وکوفیه پوزقون قطاریم
ایلدیم تبلیغ دینی هر یانا دوشدی گذاریم
باشلیوب هریرده قارداش دین حق اعلانی زینب
بولدولرهریرده آخرمن عزیز بوترابم
عصمت کبرا آنامدورمن اونا نائب منابم
گوهر دریای عفّت معنی لفظ حجابم
کسب ایدوب دین مکتبینده بیله عزّوشأنی زینب
قویمادیم تبلیغ دینده ذرّه جه نقصان حسینیم
ایلدیم دنیایه گون تک حقّوی اعلان حسینیم
باشلادیم منده سنون تک نهضت شایان حسینیم
درس آلوب اولده سندن نهضت شایانی زینب
سن ویرندن غربت ایچره حسرتیله جان یارالی
ایلیوب فکروخیالون زینبون قارداش خیالی
منده جان ویرّم سنون تک ایل قبیلمدن آرالی
گوسترر اهل جهانه بیروفا عنوانی زینب
ایلیوب دست عداوت روحیمی ازبسکه خسته
اولمشام بیرعمرقارداش رشتۀ آلامه بسته
عاقبت بیردورت مین اوخلی کوینگون بوسینم اوسته
بودیارغربت ایچره درک ایدرجانانی زینب
گراله وصلون سالام من چکمرم ال دامنوندن
دگمدیم افسوس بیر گل لیک وصلت گلشنوندن
نیلیوم یوخ چارم آلاّم عطریوی پیراهنوندن
درک ایدربوپیرهندن نکهت رضوانی زینب
(هوشیا)زینب غمنده توک یوزه اشک گهربار
واراورکده هرنه دردون ایله بوخاتونه اظهار
دخترمشکل گشادورحل ایدرهر مشکلون وار
اولموش عالمده یقین هرمشکلین آسانی زینب
- سه شنبه
- 6
- فروردین
- 1398
- ساعت
- 10:34
- نوشته شده توسط
- ابوالفضل عابدی پور
ارسال دیدگاه