ای شافعه ی محشر
لبیک خانم زینب
اسلامه اولان یاور
لبیک خانم زینب
سن مکتب حیدردن درس اورگنن عالم سن
خورشید فروزنده بیر نور عوالم سن
اسلامه بها ویردون محشردده حاکم سن
آرام دل مهدی سن عمه ی قائم سن
قارداشیوه همسنگر لبیک خانم زینب
ای خواهر ثارالله دینی ایلدون احیا
شیرون قیزی سن زینب عشقی ایلدون معنا
اعدایه بیلیندیردون سن سن نوه ی طاها
الحق که دلاور سن صود ویردی سنه زهرا
ای نایبه ی مادر لبیک خانم زینب
سن مظهر عزتسن محبوبه ی جنت سن
معنای شهامت سن دریای شرافت سن
داغ مثلی صلابت سن دارای شجاعت سن
عباس دلاور تک باشدان باشا غیرت سن
نهر اوسته دیر اللر لبیک خانم زینب
سن دشت پُر از غمده هیچ ایلمدون افغان
وردون هامی اعدانون قلبینه اوگون پیکان
سسلندون انا الزینب ای قوم جفا بنیان
نفرین ایلسم والله بو شهروز اولار ویران
قارداشدی منه رهبر لبیک خانم زینب
من دخت شهِ خیبر دردانه ی زهرایم
نطقیم ایله خنجردئی باخمون تک و تنهایم
ای شیعه ی بو سفیان نور دل طاهایم
خیبر اولاسیز والله من حیدر و مولایم
سسلندی بو گون حیدر لبیک خانم زینب
دنیایه ویرن درس عفت چو گلِ یاسم
شاگرد ننم زهرا باشدان باشا احساسم
بت سیندیرانام منده چون تیغه ی الماسم
باخمون اولوب عباسیم بوردا اوزوم عباسم
عباسدا دیر خواهر لبیک خانم زینب
ای زهره ی مظلومه باشوندا بلا واردی
الاندا حریمونده بیر شور و نوا واردی
دورین آلوب اعدالر چوخ جور و جفا واردی
باخ گور نقدر زینب سرباز ولا واردی
هر قاره گین سسلر لبیک خانم زینب
باخ گوشه ی چشمونله بو ملت ایرانه
قرباندی سنه هامی ایمانیوه مستانه
سن شمع فروزان سان بیزلر سنه پروانه
قبریوه باخا کیم چپ بیز غیضیله جانانه
اوردا ایدروخ محشر لبیک خانم زینب
بیز عاشق مولایوخ بس عزتیمیز واردی
دیوانه ی سقایوخ حیثیتیمیز واردی
دنیایه نشان ویردوخ چوخ قدرتیمیز واردی
باک ایتمروخ اعدادن چون غیرتیمیز واردی
بیلسون هامی دشمنلر لبیک خانم زینب
آند اولسو یداللهه دردین دین اول چاهه
زهراده اولان جاهه قلبینده چکن آهه
سر نیزه ده کی شاهه عباس گیدن راهه
بیر کیم باخا بیلمز چپ سوریده کی ماهه
ای دینه اولان لنگر لبیک خانم زینب
آند اولسو گلِ یاسه روح پر از احساسه
عشق شرف الناسه مولا بطل الناسه
اطهر اولان انفاسه اول تیغه ی الماسه
کیم جراتی وار باخسون چپ خواهر عباسه
ای روح قوی پیکر لبیک خانم زینب
سسلندون حسین قارداش قلبیم یانوب اوتلاندی
اولدی گوزل عباسیم عالم نجه داغلاندی
اصغر بالام اوخلاندی زهرا اورگی یاندی
گل داده آتا حیدر باخ گور نجه بحراندی
ظلم ایلدی قوم شر لبیک خانم زینب
قارداشیم اولوب گیتدی قالدی منه بو قیزلر
اطفاله ورور طعنه شمریله بو اهل شر
بابا دیوری قیزلر یاندوردی منی سوزلر
زینب قالوب آواره گل دادیمه آی مادر
گوز یاشلیدی پیغمبر لبیک خانم زینب
یاز مدحیمی سن (احمد ) فخر ایله عزادراه
سسلنسون هامی عالم احسن بیله ایثاره
زینب آدی بیر اوخدی قلب هامی کفاره
زینب آدینی سسلن چات قله ی احراره
بیز هامی سنه نوکر لبیک خانم زینب
- سه شنبه
- 6
- فروردین
- 1398
- ساعت
- 11:10
- نوشته شده توسط
- ابوالفضل عابدی پور
- شاعر:
-
احمد پوریا
ارسال دیدگاه