زینبون جان اوسته دی گل کربلادن یاحسین
راحت اولدی گوییا درد و بلادن یاحسین
قالموشام غربتده تنها ای شه کون و مکان
لطف ائله گل باشیم اوسته صون نفسده مهربان
من که اؤلدوم کربلاده، جسم ظاهردی بوجان
شامه گل یالقیزدی زینب نینوادن یاحسین
گوزلریم یولدا قالوب یول گوزلریم،جان اوسته یم
گوز یاشیم قانه دونوبدی، گل یارالی،خسته یم
دِینمی ایتدوم اَدا،من عهدیمه پابسته یم
اولمادی راحت دیلیم آه و نوادن یاحسین
یوخدی بیر کس باشیم اوسته جان وئرنده آغلیا
نه علی اکبر نه قاسم وار یانا دل داغلیا
ایندی یوخدی بیر نفر،اؤلسم گوزومی باغلیا
رحم ائله گل تشنه لب، قانلی منادن یاحسین
من نجه غربتده چکدوم ای یارالی داغیوی
ظهر عاشورا ستم بادی داغیتدی باغیوی
اؤلدم او ساعت کسَنده ساربان بارماغیوی
فاطمه جانی او دم دوشدوم قوادن یاحسین
گرچه شام و کوفه ده گوردوم فقط دیل یاره سی
داغ کیمی دوزدی بلایه صبریمین دیواره سی
زینبی پوزدی داغیتدی اصغرین گهواره سی
قتل و غارتده باجون گیتدی آرادن یاحسین
لطف ایدوبسن طبع شعری سن «فقیره» یاحسین
آند وئررم اصغره، ماه منیره یاحسین
لطف ائله باش چک اوزون روحِ " حقیره " یا حسین
مخلصانه شاعریدی ابتدان یاحسین
- سه شنبه
- 6
- فروردین
- 1398
- ساعت
- 11:51
- نوشته شده توسط
- ابوالفضل عابدی پور
- شاعر:
-
مجید قلعه بیگی
ارسال دیدگاه