• جمعه 10 فروردین 03

 ولی الله کلامی زنجانی

متن شعر ترکی شهادت حضرت زینب(ُس) -(ای دختر زهرا ایوین آباد اولا زینب)

928

ای دختر زهرا ایوین آباد اولا زینب
صدّیقه صغری ایوین آباد اولا زینب


رحمت باخشونلا بو عیون تره بیر باخ
لطفیله خانم قاره گین ائللره بیر باخ
قات یاخشیلارا، بو الی بوش نوکره بیر باخ
ای رحمتی دریا ایوین آباد اولا زینب


سِنسین او قلملر که سنه مرثیه یازماز
سودا سنیله کیم ائده والهی اوتوزماز
سن یازسان اگر ئوزگه منیم آدیمی پوزماز
قیل خلعتیم اعطا ایوین آباد اولا زینب


تاریخ مصائبده مِنَ البَدوِ اِلی الحال
سن تک گینوب کیم قارا ای کعبۀ آمال
نه آسیه مریمده ده یوخ سنده کی اجلال
ای مفخر سارا ایوین آباد اولا زینب


ای کوکب بطحا نیه سن شامیده باتدون
باتدون ولی غفلتده یاتان خلقی اویاتدون
عباسه قسم پرچم دینی سن اوجالتدون
احسن دیدی سقا ایوین آباد اولا زینب


جانون که چخوردی دیله هجران سوزی گلدی
زهرا آناوین یادیوه آغلار گوزی گلدی
آلدی سسیوی گوردی گلن یوخ ئوزی گلدی
باخدی دئدی قورخما ایوین آباد اولا زینب


یورقون بالا دیسگینمه بِلئیمش سنه اقبال
زنداندی بو دنیا سنه ای طایر بی بال
گوز باغلاماقا گتدیم الیمده قره دستمال
مشگلدیم امّا ایوین آباد اولا زینب


سن تک بیری دردین آناوین بُلمور عزیزیم
معذورم اؤرک غملیدی دینجلمور عزیزیم
گوز باغلیا بُلمم بیر الیم گلمور عزیزیم
دؤش یاره دی حتی، ایوین آباد اولا زینب


یثربده یاناندا قاپی من قانه بویاندیم
سن بیر اوشاقیدون پوزولان حالیوه یاندیم
قالدون ایاق آلتدا گوزلیم سندن اوتاندیم
دوگدی سنی اعدا ایوین آباد اولا زینب


خولی ائوینه گئتدیم آلشدیردیم حسینی
کوسموشدی بو سینمله بارشدیردیم حسینی
سندن بالا سوز دوشدی دانشدیردیم حسینی
حل اولدی معمّا ایوین آباد اولا زینب


مندن دیدی آلما خبر اول قلبی کبابی
تاپشورمیشام اُول بیکَسَه من آل ترابی
ئولمز باجیم آرام ایلیه بلسه ربابی
اصغر دیر اوندا ایوین آباد اولا زینب


زینب آدینون یُمنی هایاندا گله خوشدی
زهرا اونا معناده گلوب مرثیه قوشدی
باش عرشه ده قوزانسا «#کلامی» الی بوشدی
وور شعرینه امضا ایوین آباد اولا زینب

  • سه شنبه
  • 6
  • فروردین
  • 1398
  • ساعت
  • 12:35
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران