• جمعه 10 فروردین 03

 محمدرضا صادقی

یا زینب ... -(یا زینب ایله لطف و عطا زینبیه ده )

542

یا زینب ایله لطف و عطا زینبیه ده 
بیر وقفه ساخلیوم من عزا زینبیه ده 

بیر غصه ایلیوبدی احاطه وجودیمی
غمدن منی گل ایله رها زینبیده

هر کیمسه دردی اولدی گلوب صدقیلن آلوب 
امراض نا علاجه دوا زینبیه ده 

هر نیلورم اجابته یتمور دعالریم
لطفا منی سن ایله دعا زینبیه ده 

هرچند اولوبدی حالیمه شامل عنایتون
قلبیم تاپوب بیر آیری صفا زینبیده

اما چوخ ایستیرم گینه زوار اولام خانم
نذریم وار ایلیم من ادا زینبیه ده 

نذریم بودور کی بیر آناوا ساخلیم عزا
اوز محضرینده ، ایله روا زینبیده

زهرایه خاطر اولسادا دعوت ایله خانم
حاجت روا اولا بو گدا زینبیه ده 

گلسم دوباره یوز قویارام آستانیوه
سالام بو باشه شور ونوا زینبیده

عرض ایلرم او قبریوه جانیم اولا فدا
وئر بیر برات کرب و بلا زینبیه ده 

قارداش غمینده ای بوکولن سرو قامتی
گوردون کی یوخدی عمره وفا زینبیه ده 

گوزیاشلی سسلدون گل حسین زینبون ئولور
گلموش باش اوسته پیک خدا زینبیه ده

امکانی اولسا ایلمه عباسیمه خبر
دفنه گلوبدی زین العبا زینبیه ده

آخر نجور قویار باجیسون اوز مزارینه
قولار  بدندن  اولسا  جدا ، زینبیه ده 

« شیدا » بس ایله خامه آلیشدیردی صفحه نی
یاندی  اورک  گلوب  بو  ندا  ،  زینبیه ده

آخشام اذان چاقیدی خانم یومدی گوزلرین
یاسه  باتوبدور  آل  عبا  زینبیه ده

  • سه شنبه
  • 6
  • فروردین
  • 1398
  • ساعت
  • 12:37
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران