• پنج شنبه 9 فروردین 03

 ودود آذرین خلخال

متن شعر ترکی زبانحال حضرت زینب (س) -(افسوس اجل گلدی ولی گلمدی دلدار)

930

افسوس اجل گلدی ولی گلمدی دلدار
شاماتیده یالقیز ئولورم ای حق دادار

بیر عمر پرستاریدیم الله ایل ایچنده
ایمدی چکورم اودلی نفس یوخدی پرستار

غربت وطن ایچره گوزی یولاردیام الله
تحلیله گیدیب محنت الیندن تن تبدار

یوخ داده گلن بیکس و نالانم الهی
(ال سینه ده دائم دیلیم اوخشار گوزوم آغلار)

نه گلدی حسینیم نه علی اکبریم الله
ایل صاحبینی ایلمیور ایللری دیدار

گل داده حسین سون نفسیمدی آتام اوغلی
بیللم چکیلوب اورتامیزا غصه لی دیوار

من دادوه گلدیم یارالی ؛ کرب و بلاده
سنده منه گل اول بوزمان یار و هوادار

یالقیز اولورم شامیده ال سینه ده قارداش
افغانه گلوب غملر الیندن بو گرفتار

عطرون آلورام قانه باتان پیرهنوندن
بوتحفه نی جان تک بوباجون سینه ده ساخلار

سن گلمیسن ای شاه لب عطشان سنی تاری
گوندر کفن الده گله فریاده علمدار

یا اینکه علی اکبری فریادیمه گوندر
آخرنفسی عمه سینه اولسین عزادار

یاقاسم گل پیرهنی یولا حسینیم
قارداشیم حسن اوغلی اولا زینبه دلدار

شام اهلی شماتت ایلیوللر منه قارداش
وار یدی نفر قارداشی یوخ زینبه غمخوار

من شیر خدانین قیزیام زار و نزارم
یاددان غم و اندوه زمانه چخا زنهار

بخصوص غم کرب و بلا باشیم آغارتدی
گلدیم اوزمان قتلگهه دیده سی خونبار

گوردوم اوتوروب شمر دنی سینه شه ده
ایستور باشینی ذبح ایده سرکرده اشرار

دوتدیم او زمان خنجر عریانینی شمرین
سسلندیم اوتان ناکس و ملعون و دغلکار

شرم ایله حسین معنی آیات خدادی
کسمه باشین افغانه گلر حیدر کرار

والله بو حسین سرور ابرار جهان دی
اولدورمه اونی ایلمه دنیانی عزادار

باخمادی ولی شمرلعین منده نوایه
شمشیره تکان ویردی او ملعون زناکار

آخدی الیمون قانی سوزوب سینه شاهه
قاتدی باجی قارداش قانینی بیربیره غدار

بو کشمکشه اولدی جری دشمن نادان
گویلرده ملک لرده اولوب شاهد پیکار

شمشیری غلاف ایتدی آلوبدور اله شلاق
بیرایش گوروب الاندا اینان زخمی سیزیلدار

بو منظره نی گوردی حسین غیرتی داشدی
قارداش گوره خواهر دویولور تز قانی قاینار

سسلندی باجی خیمیه گیت قالما اماندی
شمره دیدی گل باشیمی کس جانیمی قورتار

بو شعروه الهام «کلامی» دن آلوبسان (1)
زیبنده اولار زینبیلن «آذرین» اشعار
ـــــــــــــــ
(1) الهام از غزل استاد كلامی با عنوان (افسوس اجل آمد و دلدار نیامد)

  • سه شنبه
  • 6
  • فروردین
  • 1398
  • ساعت
  • 12:42
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران