ای فاطمه نون دختِ، فرزانه سی یا زینب
شمع شرفین غملی، پروانه سی یا زینب
ای عشق قیامینده حیران قویان آفاقی
شطرنج تعشقده مات ایلیین عشاقی
خمخانه ی عشقیندور عاشقلرین اتراقی
مبهوتیدی عشقیندن هم ساغر و هم ساقی
سنسن می معنانین مستانه سی یا زینب
ای نایبه ی زهرا غمدن باج آلان زینب
گرد غم و محنتدن، باشه تاج آلان زینب
غم شعله سی قلبیندن عرشه اوجالان زینب
قارداشی ئولن ساعت بیردن قوجالان زینب
زلفی آغاران، زهرا ریحانه سی یازینب
ای اشگ فشان زینب، صدیقه نشان زینب
گوز یاشی دونن قانه زهرای زمان زینب
غمدن بوکولن قدّی مانند کمان زینب
خوش گون یوزونه حسرت باغری دولی قان زینب
گنجینه ی اسرارین، دردانه سی یازینب
- سه شنبه
- 6
- فروردین
- 1398
- ساعت
- 13:51
- نوشته شده توسط
- ابوالفضل عابدی پور
- شاعر:
-
حاج علی پور علی
ارسال دیدگاه