• جمعه 10 فروردین 03


متن شعر ترکی زبانحال حضرت زینب (س) -(حسینیم آز قالوری تار اولا جهان گؤزومه)

691

حسینیم آز قالوری تار اولا جهان گؤزومه
وئرور اجل ملکی چهره سین نشان گؤزومه

تولّدومده گؤز آچدیم ازل سنون گؤزیوه
گل ایندی باخ عوضینده وئرنده جان گؤزومه

گؤزوم یاشین الرم، شوقیلن گلن یولیوا
نولار قدم قویاسان چشمه سی روان گؤزومه

اورکده خاطره لر دفترین ورقلیورم
دویونجا غم گورورم گورسدوب زمان گؤزومه

نئجه چیخار یارالی حالتون خیالیمدن
گلور او قتلگهون صحنه سی هرآن گؤزومه

او قتلگه که سنی آرخان اوسته دؤندردیم
سینونده بیر یارا گؤرسندی ناگهان گؤزومه

گؤزوم یاشین یاراوا مرهم ایلدئم یاندیم
دئدیم گؤز آچ یارالی،باخ بو ناگران گؤزومه

وئرنده جان باشیوین اوسته گلموشم قارداش
گل ایندی سن اوزیوی وئرگیلن نشان گؤزومه

گلنده قارداشیم عباسیده اوزونله گتور
او قان دولان گؤزی باخسین بو آغلیان گؤزومه

باشیمدا وار بیر علامت گواه عشقیمدی
دگنده محمله باشیم دؤلوبدی قان گؤزومه

بو قانلی پیرهنی باغریما باسوب ئوپرم
باخاندا کوینگیوه حشر اولار عیان گؤزومه

گینه دوشر یادیما بی کفن قالان جسمون
مگر وئرر بو آخان گوزیاشیم امان گؤزومه

نئجه قان آغلامیوم یدّی قارداشا باجیام
ولیک یوخدی باخان ایندی خونفشان گؤزومه

باخیشدا چؤخ سؤز اولار مین غزل ده ای «#صادق»
یازیلسا آزدی گینه یولّارا باخان گؤزومه

  • سه شنبه
  • 6
  • فروردین
  • 1398
  • ساعت
  • 15:27
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران