ای آیت حق ناطق قرآن آنام اوغلی
گل جان ویرورم زینبه باخ یان آنام اوغلی
اگلش باشیم اوستونده اوخی آیه ی قرآن
قرآن اوخویان دللره زینب اولا قربان
الدن آلوب آرامیمی گل ناله و شیون
یولّاردا گوزوم، یرده یوزوم، جان ویرورم من
غربتده باجون زینبی باخ گور تانوسان سن
بیجا دگی گوزدن توکورم اشک ملالی
جان تاپشورورام سن کیمی غربتده یارالی
گل قبلیه دوندر منی ای شاه ولایت
قرآن باشیم اوستونده اوزون ایله تلاوت
گُل تک یوزیوی بلکه ایدوم منده زیارت
اولسان باشیم اوستونده ایا سرور دوران
جانانینه زینب بولوسن جان ویرر آسان
سنسیز شرر آهیم حسین عالمی داغلار
رخساره باجون گوزیاشی جیحون کیمی باغلار
حسرتله باخار یولّارا قارداش دیر آغلار
زینب نجه گور اتش هجرانیوه یاندی
گوزلر آنام اوغلی یولوا چوخ نگراندی
- سه شنبه
- 6
- فروردین
- 1398
- ساعت
- 15:35
- نوشته شده توسط
- ابوالفضل عابدی پور
- شاعر:
-
حاج حسن صحرائی سیابانی
ارسال دیدگاه