گوشۀ زنداندا قطب عالم امکان غریب
حضرت موسی ابن جعفر ویردی آخر جان غریب
محرم سرّ خدا آئینه اوصاف حق
مرشد لوح و قلم آگاه حال ما سبق
لنگر کون و مکان فرمانده تار و شفق
مظهر نور سعادت حجّت سبحان غریب
حامل تعلیم بسم الله رحمن الرّحیم
پیرو پیغمبر رحمت صراط المستقیم
رهبر نام آور خلق خداوند کریم
رحمةً لِلعالمین و معدن احسان غریب
منبع جود و سخا سر چشمۀ آب حیات
نور بخش کوکب و شمس و قمر فلک النّجات
باعث رزق عموم ذی حیات کائنات
حافظ آیات قرآن ناطق قرآن غریب
عالم علم علوم اولین و آخرین
وارث شاهنشه معراج ختم المرسلین
زادۀ کبری امیرالمؤمنینه جانشین
حامی اسلام و دین و مذهب و ایمان غریب
بلمورم هارون بلوب بو شأن بو تفسیریله
بس ندن دوتدی او پیر زاهدی تدبیریله
اون بیر ایل یا یدّی ایل محبوس ایدوب زنجیریله
ویردی مسکن بیر قرانلوق گوشه زندان غریب
نچه امر کذبیله اوّل اونی محکوم ایدوب
ایتمیوب شرم و حیا چوخ ظلملر اول شوم ایدوب
ظلمیله پیغمبر اوغلون عاقبت مسموم ایدوب
دین ایوین بر باد ایدوب قویدی بیله ویران غریب
شدّت زهر جفادن قلب عالم اودلانوب
اود دوتوب یکسر وجودی سمّ زهریله یانوب
عاقبت قلب شریفیله جگرلر دوغرانوب
یاندوروب عالملری با حالت سوزان غریب
جان ویروب جانانینه بو نوعیله بیکس غریب
قولاری زنجیریده یوخ بیرجه دادرس غریب
یر غریب منزل غریب زنجیریله محبس غریب
مسکن و ئولکه غریب کُنده غریب اسکان غریب
اوچ گیجه گوندوز قالوب زندان غمده گل بدن
قورخودان زندانه اولدی نه گلن نه بیر گیدن
اولمادی پیغمبر اوغلون غسل و کفن و دفن ایدن
کیم گوروب دنیاده بیله ظلم بی پایان غریب
ویردیلر آخرده هارون ستمکاره خبر
دورت نفر حمّال تعیین ایلیوب اول بد سیر
آچدیلار زندانی ناگه گوردولر اوُل دورت نفر
جان ویروب نه ذلّتیله خسرو خوبان غریب
شیعه لر آگاه اولوب دوشدی او دم بغداده شور
قالدیلار حیرتده گویا باشلانوبدور نفخ صور
ناله و فریاد اوجالدی سالدیلار شور و نشور
بیر بیره دگدی هامی ایلردیلر افغان غریب
گلدیلر سینه زنان بیردن تمام مرد و زن
آلدیلار اول نعش پاکی ایتدیلر غسل و کفن
عزتّیله دفن ایدوب بیر قوردولار بیت الحزن
اوخشیوب فریاد ایدوبلر دیده لر گریان غریب
بوردا دوشدی یادیمه شاهنشه کربُ بلا
قتلگهده جان ویروب بیر سینه ده سانسیز یارا
هاردا بو ظلم و ستم آیا روادور ای خدا
بیر یارالی توپراق اؤسته پیکری عریان غریب
نه ویرن غسل و کفن نه دفن و تابوت و ن آب
اولمیوب ممکن گله تا زینب علیا جناب
قویمیا گونلر ائوینده نور چشم بو تراب
قالمیا اول نوعیله اؤز قانینه غلطان غریب
قوی بو درگاهه یوزون چوخ عجزیله یالوار #بهار
لطف ایده موسی بن جعفر مطلبین وار هر نه وار
بو سوزی سالدوقجا یاده آغلارام لیل و نهار
گوشۀ زنداندا قطب عالم امکان غریب
- شنبه
- 10
- فروردین
- 1398
- ساعت
- 17:8
- نوشته شده توسط
- ابوالفضل عابدی پور
- شاعر:
-
مرحوم محمود توتونچی
ارسال دیدگاه