• پنج شنبه 9 فروردین 03


متن شعر ترکی زبانحال حضرت امام کاظم علیه السلام -(ای گوزومون نوری رضا داده گل)

527
1

ای گوزومون نوری رضا داده گل
جان وئرورم محبس بغداده گل
جان وئرورم داده گل
محبس بغداده گل


یوخ وئرن آخر سسیمه بیرجه سس
گل گوروم اول گول یوزون آخر نفس
مرغ دله تنگ اولوبدور قفس
آل سسیمی خانۀ صیاده گل


زهر جفا صبریمی الدن آلوب
جانیمی غربت غمی جاندان سالوب
گوزلریم حسرتله یولوندا قالوب
سال منی بو غربت آرا یاده گل


قالمیوب هجرانیده دلده دوزوم
واردی ئورکده سنه نچّه سوزوم
قویما بو قدری قالا یولدا گوزوم
صبریمی غم غصه وئروب باده گل


قتلیمه هارونیده تدبیره باخ
زهریده گور رنگیمی تأثیره باخ
یاره ائدوب بوینومی زنجیره باخ
ای دیزیمون قوّتی گل داده گل


واردی یانیمدا نه قیزیم آغلاسون
حالیمه یانسون جگرین داغلاسون
نه حرمیم وار گوزومی باغلاسون
کیمسه یوخومدور گله فریاده گل


سِند ز بس که منه آزار ائدور
گوزده ایشیق گوندوزومی تار ائدور
ظلمدن ال چکموری تکرار ائدور
باخموری بو دوغرانان اکباده گل


زهر جفادن جگریم دوغرانور
سهلدی قلبیم ئورگیم اودلانور
سر بسر اکبادی و وجودیم یانور
یوخدی یتن دادیمه امداده گل


غربت آرا یوخدی منه بیر حبیب
محنت و اندوهیله اولدوم قریب
جدّیم حسین تک وئرورم جان غریب
تسلیت خاطر ناشاده گل


« عاصی » ملائک خدم و غم حشم
موسی کاظم شهِ حِلّ و حرم
ایستیه سن سندن ائده دفع غم
درگهِ والاسینه افتاده گل

  • یکشنبه
  • 11
  • فروردین
  • 1398
  • ساعت
  • 14:49
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران