سینوب قفسده شهپریم
اوغول رضاهایانداسان
قالوب یولوندا گوزلریم
اوغول رضا هایانداسان
غریب زارم،یوخومدی چاره
کیمیم وار ئولسم،قویا مزاره
او بلبلم گجه گونوز نوالیام عزالیام
چمندن آیری دوشموشم بلالیام یارالیام
بو اون بیر ایلده بیلمدیم که عاقبت هارالیام
آدون اولوبدی ازبریم اوغول رضا هایانداسان
یتوبدی جان دوداقیمه اورکده چوخ سوزوم قالوب
نه دیزلریمده طاقت و نه قلبیده دوزوم قالوب
سنون یولوندا منتظر نه وقت اولار گوزوم قالوب
یوخ آرزوی دیگریم اوغول رضا هایانداسان
جفا الیله سولموشام جهاندا گللر آیریسی
نه گون نه آی نه هفته لر که بلکه ایللر آیریسی
بو غربت ئولکه اولموشام نه وقتی ائللر آیریسی
قوری یر اولدی بستریم اوغول رضا هایانداسان
یامان گونونده کیم گلوب غریبه سینه داغلیار
دیز اوسته باشینی آلوب کیم اوخشیار کیم آغلیار
ئولن زماندا گوزلرین کیم حسرتیله باغلیار
منیم که یوخدی یاوریم اوغول رضا هایانداسان
قویاندا قبره نعشیمی چوخ ائتمه شیون آغلاما
گوزون دوشنده جسمیمه پوزولما چوخ سن آغلاما
دئنن که دینجلوب غریب آتام بلادن آغلاما
دیردی نازلی دلبریم اوغول رضا هایانداسان
کتاب عمرومون نه چوخ جهاندا فصل سردی وار
اگرچه هرکسون اوغول اورکده رنج و دردی وار
ننم کیمین منیمده چوخ قولومدا قمچی ردّی وار
کبود اولوبدی پیکریم اوغول رضا هایانداسان
- یکشنبه
- 11
- فروردین
- 1398
- ساعت
- 14:54
- نوشته شده توسط
- ابوالفضل عابدی پور
- شاعر:
-
حاج فرهاد فکری اردبیلی
ارسال دیدگاه