یاعلی موسی الرضا
جان وئرورم داده گل
باغلاماقا گوزلریم
محبس بغداده گل
(( زهر جفا صبریمی
الدن آلوبدور اوغول
یوخدی یئتن دادیمه
نه حَرَمیم وار اوغول ))
(( مضطر و زار و دلخسته ام
بند ظلمیله پر بسته ام ))
(( گل رضا گل رضا گل بالا ))٢
گوشۀ زندانیده
گونده چوخالمیش غمیم
کنده و زنجیر اولوب
بوردا فقط همدمیم
یوخ قوجا چاغیمدا بیر
ال دوتانیم محرمیم
سون نفسیمدی منیم
تز بالا فریاده گل
مضطر و زار ...
ذکر زبانیم اولوب
آیۀ امَّن یُّجیب
غمزده ام ناخوشام
وار نه دوا نه طبیب
جان وئرورم گور نجه
بی کس و زار و غریب
حبسیده باش چکمه گه
بو دل ناشاده گل
مضطر وزار ...
سالدی زمانه منی
ائل اوشاقیمدان اوزاق
یاندیریر ایللردی بو
سینه می نار فراق
ئوز وطنیمدن اوزاق
مدفنیم اولدی عراق
نعشیمی دوندرمگه
قبلۀ اوتاده گل
مضطر و زار ...
- یکشنبه
- 11
- فروردین
- 1398
- ساعت
- 15:1
- نوشته شده توسط
- ابوالفضل عابدی پور
- شاعر:
-
حاج رضا محمدی ولایی
ارسال دیدگاه