ترک ایلیوب مدینه نی آیا ندن حسین
اولدی اؤزی عیالی جلای وطن حسین
قبر رسولی شوط ائلیوب دوشدی شوقیدن
بیت خدانی شوط ائده شاه زمن حسین
امر ایلیوب دوزولدی یولا کاروان غم
تا مکّه نی مزیّن ائده گل بدن حسین
اعمال حجّه باغلادی احرام او شهریار
مشغول اولوب طوافه او گلگون کفن حسین
اشرار شامین آنلادی اول شه مرامینی
بولدی توکرله قانین اونون بی سخن، حسین
بیت خدا امان ائویدور لیک شیعه لر
ناچار قالدی چخدی چون اول بقعه دن حسین
یوز قویدی سمت کوفیه اوز وعده گاهینه
اولسون فدا او چولده به وجه حسن، حسین
دور و برینده نئچّه جوانان گل عذار
عشق عالمینی سیر ایلیوب طیّ ائدن حسین
گر چه منای مکّه ده قربان کَسَنمَدون
قوچلار برابری قوزی قربان وئرن حسین
بیر اوزگه گلستانه گینه گئتدی مرغ دل
گتدی ولی بو نوعیله طرز سخن حسین
پیغمبرین شبیهی علی اکبر اوغلونی
گونلر ائوینده قانینه غلطان گورن حسین
بیر یاندا سرو تک دوشوب عبّاس نامدار
نه باش نه ال صحیح، نه سالم بدن حسین
گل دستۀ حنا یرینه یاخدی طویدا قان
فرزند ارجمند امام حسن، حسین
غم لجّه سینده غرق ائلین جسم پاکینی
شرع رسولی قانیله جاری ائدن حسین
کفّار شام و کوفه سویاندا لباسیوی
قویمادیلار قالا سنه بیر پیرهن حسین
گُل پیکرونده گُل تک آچیلدی یارالارون
اولموشدی کربلا چولی صحن چمن حسین
مینای عشقیده کسیلن باشی تشنه لب
شام خرابه نوک جداده گئدن حسین
بُولدی یزید شامه گلور رأس انورون
ائتمیشدی چیده باشیوه بیر انجمن حسین
- دوشنبه
- 12
- فروردین
- 1398
- ساعت
- 17:41
- نوشته شده توسط
- ابوالفضل عابدی پور
- شاعر:
-
مرحوم مشهدی اصغر دلریش
ارسال دیدگاه