من غم عشقه گرفتار اولموشام
اهل عشقه یار و غمخوار اولموشام
دلبریم باب الحوائج دور منیم
عاشق دست علمدار اولموشام
یا ابوالفضل یا ابوالفضل یا حسین
ساقی عطشانه اولسون آفرین
کیم اونا دیل باغلاسا اولماز غمین
دردون اولسا سسله عباس الدخیل
درده درماندی یل ام البنین
یا ابوالفضل یا ابوالفضل یا حسین
افتخار عترت طاهادی بو
سر سپاه لشکر مولادی بو
غیرت عباسه بو جانیم فدا
کربلاده تشنه سقادی بو
یا ابوالفضل یا ابوالفضل یا حسین
باغ مولاده آچیلمیش یاسه باخ
شیعه لرده شوره باخ احساسه باخ
بی سبب سن گزمه ای دل گویلری
آچ گوزون آی دان گوزل عباسه باخ
یا ابوالفضل یا ابوالفضل یا حسین
قاف عشق و معرفت عنقاسیدی
باوفادی غیرتین دریاسیدی
دردمندان جهانه ویر خبر
چاره سیزلر چاره سی عباسیدی
یا ابوالفضل یا ابوالفضل یا حسین
دلبریمون قامت دلجوسی وار
گوز دئمه بیر نرگس جادوسی وار
خالق عالم قیامت ایلیوب
صورت زیبا کمان ابروسی وار
یا ابوالفضل یا ابوالفضل یا حسین
- پنج شنبه
- 22
- فروردین
- 1398
- ساعت
- 10:22
- نوشته شده توسط
- ابوالفضل عابدی پور
- شاعر:
-
حاج افشین بابک اردبیلی
ارسال دیدگاه