• جمعه 14 اردیبهشت 03


متن شعر عربی و ترکی لالایی حضرت جبرائیل برای حضرت اباعبدالله الحسین علیه السلام گریز به قتلگاه -(چون حسین قویدی بو دنیایه قدم)

782

چون حسین قویدی بو دنیایه قدم
یازدی گویا بو سوزی لوحه قلم
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


گوردی جبریل گلوب مقصد اله
مقصدیدی اولا بو شاهه لَلَـه
ایستدی عامل اولا بو عمله
گلدی دیدارینه دلده بو سخن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


عرض ائدوب ای گل گلزار رسول
ای جگر گوشه ی زهرای بتول
بیر دانیشدیر منی چوخ ائتمه ملول
تا دیوم شوقیله لای لای سنه من
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


ای اولان نور رخ لم یزلی
سرو آزادۀ بستان علی
قدسیان سسلوری با صوت جلی
اِنَّ فِی الجَنَّةِ نَهراً مِن لَبَن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


ای ائدن عالمی نور رخ طور
گوسترن وجهی کلیم الله نور
ای اولان خادمه سی حور قصور
گوزی شهلا یوزی گُل زلفی سمن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


بیرجه آچ گوزلرون ای شاه حجاز
بو قدر نوکروه ایلمه ناز
تا دویونجا ائلیاخ راز و نیاز
قالماسون دلده غم و درد و محن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


بیرده تاپدی بو شهی روح الامین
گوردی قان ایچره دوشوب سرور دین
او قدر یاره ویروب لشگر کین
جسمی اوخدان گل آچوب مثل ثمن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


یاریلوب باشی دولوب قان گوزینه
اشکینی سو کیمی سپدی گوزینه
یارالی باشینی آلدی دیزینه
اویادوب اول شهی بو دیللریلن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


گلمیشم جسمیوه من سایه سالام
وئر اجازه منه یانونده قالام
بُلمورم عطریوی بس کیمدن آلام
وای منه سن سیز ایا شاه زمن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


قان ایچینده سنه لایلای دیرم
باخارام نعشیوه ای وای دیرم
تا وارام یانّام حسین وای دیرم
ای باشی تشنه قفادن کسیلن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


ئولدوروب اهل جفا اکبریوی
ظُلمیله اوخلادیلار اصغریوی
آلدیلار الدن هامی یاوریوی
دؤزدون هر محنت و درد و غمه سن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


من نه نوعی گوروم آیا که سنون
گون ائوینده قالوب عریان بدنون
یوخدی بیر کیمسه سنون دفن ائده نون
ای قالان جسمی بِلا غسل و کفن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


آچدی قانلی گوزونی سرور دین
گوردی چوخ ناله ائدور روح الامین
سویلدی اولما بئله زارو غمین
ایلمه قتلگهی بیت الحزن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


باخما گونلر قاباقیندا یانورام
جسم زاریم دوتوب اود اودلانیرام
بو قدَر یاره نی آسان سانورام
گون ائوینده قالا خوشدور بو بدن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


مین بئله اوخ دگه گر اوخ دئمرم
دستۀ گل سانارام اوخ دئمرم
اولسا بیر اوخ یری من یوخ دئمرم
اهل عشقه اولا تا عشقیم علن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


قان سو تک یاره لریمدن آخوری
یاندیرور قلبیوی حالیم یاخوری
عرشدن نعشیمه جدّیم باخوری
قوی بویانسون قانا بو وجه الحسن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


گئت دولان بو چولی تاپ اکبریمی
گون ائوینده قالا قوی پیکریمی
یاندیرا تا بدنِ اطهریمی
یانا احوالیمه بو دشت و دمن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


قوی وورا گون یارالی پیکریمه
باخما گول تک سارالان لبلریمه
اولسا سو ممکن آپار اصغریمه
توکمسون گوز یاشی چون دُرّ عدن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن


« عاصی » سال شور حسینی باشیوا
قویماسون غم یتوره خم قاشیوا
یازمادون بو سوزی سن اوز باشیوا
یازدوروبدور سنه بیر اهل سخن
اِنَّ فِی الجَنَّةِ نَهراً مِن لَبَن
 لِعَلِيٍّ وَ حسينٍ وَ حسن

  • پنج شنبه
  • 22
  • فروردین
  • 1398
  • ساعت
  • 10:29
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران