آغلاما ای گُل گلزار مُحن
آغلاما ای یوزی گُل، زلفی سَمن
آغلاما ای قوری یِرلرده اُلن
ای قالان پیکری بی غسل و کفن
اِنَّ فِی الجَنَّةِ نَهراً مِن لَبَن
لِعَلِيٍّ وَ حسينٍ وَ حسن
جبرئیلم سنه بیر عبد ذلیل
گوندَروبدور لَلَه خلّاق جلیل
آغلاما ای سو کنارینده قتیل
ای سوسوز باشی قفادن کسیلن
اِنَّ فِی الجَنَّةِ نَهراً مِن لَبَن
لِعَلِيٍّ وَ حسينٍ وَ حسن
عترت پاک رسول مدنی
گوزی یاشلی گوره بولمَزله سنی
آغلاسان آغلادوسان فاطمه نی
آغلاما آغلار او مَخدومه اُلن
اِنَّ فِی الجَنَّةِ نَهراً مِن لَبَن
لِعَلِيٍّ وَ حسينٍ وَ حسن
سن گلستان امامت گُلوسن
خانمم فاطمیه سوگُلوسن
بیرجه گورسم دانوشورسان گُلوسن
منده قالماز غمِ اندوه و مُحن
اِنَّ فِی الجَنَّةِ نَهراً مِن لَبَن
لِعَلِيٍّ وَ حسينٍ وَ حسن
آغلاما ای شرف آل عبا
ایمدیدن اولما بیله زار و فکار
آغلاما آغلاماقین موقعی وار
ویرمه یول قلبیوه اندوه و حزن
اِنَّ فِی الجَنَّةِ نَهراً مِن لَبَن
لِعَلِيٍّ وَ حسينٍ وَ حسن
ای اولان حُنی گل تازه بهار
ایمدیدن اولما بیله زار و فکار
آغلاما آغلاماقین موقعی وار
وئرمه یول قلبیوه اندوه و حَزَن
اِنَّ فِی الجَنَّةِ نَهراً مِن لَبَن
لِعَلِيٍّ وَ حسينٍ وَ حسن
آغلاما ایمدیدن ای میر حرم
اوندا آغلا یتر عبّاسه اَلم
اوخلانار مشکی باتار قانه علم
نیزه ده باشی اولار گون تک عَلن
اِنَّ فِی الجَنَّةِ نَهراً مِن لَبَن
لِعَلِيٍّ وَ حسينٍ وَ حسن
آغلاما توکمه یوزه گوزیاشوی
آلمیوب اَلدن عدو قارداشوی
وورمیوب نیزیه دشمن باشوی
ای باشی نیزه ده شاماته گیدن
اِنَّ فِی الجَنَّةِ نَهراً مِن لَبَن
لِعَلِيٍّ وَ حسينٍ وَ حسن
هله دشمن جگرون داغلامیوب
قول قولا عترتوی باغلامیوب
سو دیوب اهل حرم آغلامیوب
ویرمیوب یوز غم و آلام و فتن
اِنَّ فِی الجَنَّةِ نَهراً مِن لَبَن
لِعَلِيٍّ وَ حسينٍ وَ حسن
قالاجاقدور قوری یِرلرده سنون
یارالی اوچ گئجه گوندوز بدنون
خَس و خاشاک اولاجاقدور کفنون
سُویاجاق نعشوی اشرار زَمن
اِنَّ فِی الجَنَّةِ نَهراً مِن لَبَن
لِعَلِيٍّ وَ حسينٍ وَ حسن
او زمان توک یوزه اشک تروی
اهل کین دوغرار علی اکبروی
حرمله اوخلار علیّ اصغروی
اَمَر اوچ شعبه لی اوخ مثل لَبن
اِنَّ فِی الجَنَّةِ نَهراً مِن لَبَن
لِعَلِيٍّ وَ حسينٍ وَ حسن
ای «حسینی» نقدر واردی مجال
نوحه یاز، توک بوزیوه اشک زلال
دوت حسین دامنینی مطلبون آل
باخما کم لطفدور ایتمه گِله سن
اِنَّ فِی الجَنَّةِ نَهراً مِن لَبَن
لِعَلِيٍّ وَ حسينٍ وَ حسن
- پنج شنبه
- 22
- فروردین
- 1398
- ساعت
- 10:30
- نوشته شده توسط
- ابوالفضل عابدی پور
- شاعر:
-
سعدی زمان سیدرضا حسینی
ارسال دیدگاه