مست شراب عشقم یا ابی عبدالله
خانه خراب عشقم یا ابی عبدالله
درگه پاکیندن گل قووما منی مولا
سائل باب عشقم یا ابی عبدالله
عشقونده ئورکدن دیئرم جان سنه قربان
تا وار نفسیم سسلیرم جان سنه قربان
مشتاق عطایم - محتاج دوایم
سن شاه دوعالم- من شاهه گدایم
((یا ابی عبدالله - یا ابی عبدالله))
پرچمیوون اسماقی روحیمه ریحان دی
بیرباخیشون واللهی دردیمه درماندی
آدیوی یابن الزهرا ورد زبان ائتدیم
پاک آدیوین گفتاری رگلریمه قان دی
غوغای فلکدن اسرم جان سنه قربان
گول آدیوه قربان کسرم جان سنه قربان
مشتاق عطایم - محتاج دوایم
سن شاه دوعالم- من شاهه گدایم
((یا ابی عبدالله - یا ابی عبدالله))
حرمت محرابیمسان یا ابی عبدالله
جلوه مهتابیمسان یا ابی عبدالله
دار فنایه گلسه هر نه قدر ارباب
سن منیم اربابیمسان یا ابی عبدالله
صهبای وصالون ایچرم جان سنه قربان
عشقونده جانیمدان گئچرم جان سنه قربان
مشتاق عطایم - محتاج دوایم
سن شاه دوعالم- من شاهه گدایم
((یا ابی عبدالله - یا ابی عبدالله))
فاطمه نین دلبندی تاج سر خلقت
رونق بزم جانان قائمه نهضت
کرببلاهجرانی سینه مه اود ووردی
یاز منه یابن الزهرا تذکرۀ دعوت
عشقون ئورگیمده ئولرم جان سنه قربان
قاره علمیندن ئوپرم جان سنه قربان
مشتاق عطایم - محتاج دوایم
سن شاه دوعالم- من شاهه گدایم
((یا ابی عبدالله - یا ابی عبدالله))
- پنج شنبه
- ۲۲
- فروردین
- ۱۳۹۸
- ساعت
- ۱۰:۴۴
- نوشته شده توسط
- ابوالفضل عابدی پور
- شاعر:
-
محمد علی مصیبی
ارسال دیدگاه