بارالها گینه گویده نه خبردی
مرغ روحیم پر آچوب شور دگردی
گل یاسه بورونوب جنت اعلی
جشن میلاد ایکی شمس و قمردی
کرب و بلانون امیری
گلدی یانوندا وزیری
لطف حی تبارک
اولسون اولسون مبارک
کربلا شاهی گلوب سوم شعبان
شهریمیز اولدی بیزیم روضه رضوان
مقدم ماه بنی هاشمه خاطر
بزیوب کوچه لری ملت ایران
شعبان آیی نه گوزلدی
دینه پیرایه گلدی
لطف حی تبارک
اولسون اولسون مبارک
گوزلروز روشن اولا ملت ایران
قویدی دنیایه قدم شاه شهیدان
یوخودی ارزشی خاک کربلانون
مقدموندن آقامون اولدی گلستان
تا نور خدا گوروندی
قلب مرتضی سووندی
لطف حی تبارک
اولسون اولسون مبارک
گل بی خار ولایتدی ابالفضل
ذات حقدن بیزه رحمتدی ابالفضل
باب جنتدی حسینون کربلاسی
زینت روضه ی جنت دی ابالفضل
آند اولسون امیر عشقه
من عبدم وزیر عشقه
لطف حی تبارک
اولسون اولسون مبارک
- پنج شنبه
- 22
- فروردین
- 1398
- ساعت
- 11:35
- نوشته شده توسط
- ابوالفضل عابدی پور
- شاعر:
-
مرتضی اسکندری
ارسال دیدگاه