ظلمتی نور حق یخدی
حیدر ایوینده آی چخدی
ستاره لر شوقه گلدی
علینون قلبی دینجلدی
آخار دامنه گوز یاشیم
یا قمر بنی هاشم
آیدا بیله طلعت اولماز
بو قاش گوز بو صورت اولماز
ام بنین دوغان اوغلان
هر آنیا قسمت اولماز
کیمدی بو دلداره بنذز
آلننا مه پاره بنذر
اَنی کورک اوزون قولدان
جعفر طیاره بنذر
عجب چهره چکوب نقاش
اوخ کیمی مژگان قلم قاش
گورن دیدی مبارکدی
حسین چوخ ایستین قارداش
حُسنیده الله رضاسی
بو گوهرون یوخ بهاسی
ئوپدی لبین دیدی زینب
شیر اولی شیرون بالاسی
دل گوینگون سویماق اولماز
گل عطریندن دویماق اولماز
گوزه گلن سرو نازی
گوزدن اوزاق قویماق اولماز
زمان چرخی دولاندیردی
قلب علینی یاندیردی
سو اوستونده بو سقانی
فلک قانه بویاندیردی
آی قامتین اَگن یرده
ایاقلاندی چمن یرده
اولمادی الدن دوتانی
گوزیندن اوخ دگن یرده
گلستانه اَسوب صرصر
ایلدیرما دونوب خنجر
مشکی دلیندی عباسون
سسلدی جان اصغر اصغر
اوخلار کماندان سئچلدی
گل بوداغیندان بیچلدی
آینانی سیندروب داشلار
سَرو اوجا بویدان کئچیلدی
آخار دامنه گوز یاشیم
یا قمر بنی هاشم
- پنج شنبه
- 22
- فروردین
- 1398
- ساعت
- 12:20
- نوشته شده توسط
- ابوالفضل عابدی پور
- شاعر:
-
سید تقی سیفی اردبیلی
ارسال دیدگاه