#ترکی
دلبر دیر آشنا گلدی
خامس آل عبا گلدی
سرور دوران
شاه مظلومان
ای حسین جانم ( 2)
شاد اولوب یکسر دل حورا
روشن اولدی خانه مولا
آلدی آغوشه سنی زهرا
سسلدی نازلی بالا گلدی
ای گوزی زیبا
یاور زهرا
ای حسین جانم ( 2)
سن منیم جسمیمه دنیاده اوغول جانسان درده درمانسان
گلشن عشقیمه سن عطریلی ریحانسان لاله ریحانسان
زینت طرف چمن سرو گلستانسان مهر رخشانسان
قلبیمه نور و صفا گلدی
ای گوزی زیبا
یاور زهرا
ای حسین جانم ( 2)
یوزوون بنذری وار آیه
زلفون اوخشار شب یلدایه
جبرئیل اولدی سنه دایه
ائویمه نور خدا گلدی
یوخدی همتاسی
وار تماشاسی
ای حسین جانم (2)
بیر گون عالمده اولارسان شیعیه مولا شیعیه مولا
صبریده الماز سنه بیر کمسنه همتا کیمسنه همتا
عالمی حیران قویارسان روز عاشورا روز عاشورا
اونداکی روز عزا گلدی
یوخدی همتاسی
وار تماشاسی
ای حسین جانم (2)
اوندا قالماز یاور و یارون
اکبر وعباس سردارون
اوخلانار طفل لبن خوارون
هی گوررسن که بلا گلدی
نه قالار لشکر
اوخلانار اصغر
ای حسین جانم ( 2)
- پنج شنبه
- 22
- فروردین
- 1398
- ساعت
- 12:31
- نوشته شده توسط
- ابوالفضل عابدی پور
- شاعر:
-
حاج فرهاد فکری اردبیلی
ارسال دیدگاه