حسین سن جان احمد جان زهرا روح قرآنسان
ولی الله اعظم شهریار ملک امکانسان
ــــــ
کر:
گل باغ ولا
قلوبه ویر صفا
سنه جانلار فدا
آدون درده دوا
حسین جانم حسین(2)
ــــــ
زعیم و رهنما و ناخدای ملک توحید سن
امام و پیشوا و مقتدای اهل ایمانسان
نماز و روزه و حجّ و ولی و مرشد عالم
صفا و مروه هم سعی و صراط و حشرومیزانسان
اولان قرآنیده سوره بلد والشمس و ماعونسان
بروج و طارِق و اَعلی تَغابُن آل عُمر انسان
ذبیح الله و ثارالله و عین الله وجه الله
چراغ دین و کشتی و نجات فُلک ایمانسان
پیمبردور سنون جدّون آتان حیدر آنان زهرا
شرافت تاجی باشوندا اوزون شاه شهیدانسان
علی اوغلی علی اوغلون اولان باب الحوائجدی
سنه شیرین او شش ماهه اوزون سن شیرۀ جانسان
اولان عهد اَلست اوسته شهادت شوقی وار سنده
که عطشان دین یولوندا جان ویروب جانانه قربانسان
سر نیزه باشون قرآن اوخوردی تا بوله دشمن
کسولموش باشیله حتّی گینه دینه نگهبانسان
شهادت شوقیله آچدون اوخا سر نیزیه سینن
اولار کیمده جسارت سن اوزون تک مرد میدانسان
کنار نعش اکبرده هامی گوز گوردی آغلوردون
گولوب دشمن بولوردی قد خمیده چشم گریانسان
یازار بو سوزلری «عدلی» توکر رخسارینه قانیاش
بولر گونلر قباقینده قالان باشسیز بیر انسانسان
اولار درویش محافلده قولوندان کشکولون آسلار
تیکر گوز لطفُوه شاها بولر سن شاه شاهانسان
- جمعه
- 23
- فروردین
- 1398
- ساعت
- 14:41
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه