سوم شعبان گوروندی مهر درخشان گوروندی
قویدی قدم بو جهانه طلعت جانان گوروندی
فخر مسیحا حسیندی
دلبر طاها حسیندی
مقدمینه سپدی گل افلاکیان بوگون
شاد و خراماندی هامی خاکیان بوگون
ای حسین جان_جان حسین جان
عالمی ایتدی منور نور خداوند داور
مشعل راه هدایت کنز حقه در و گوهر
پای ویروب الله بتوله گل یوزی طاهایه بنزر
لطفیده دریا حسیندی
دلبر طاها حسیندی
نور خدا جلوه گر اولدی جهانیده
ساخلیاجاق دین خدانی امانیده
ای حسین جان_جان حسین جان
باغ علی آچدی ریحان عالم اولوبدی گلستان
عرش معلا بزندی اولدی سما اهلی خندان
روح الامین فخر ایدیبدی درگهینه اولدی دربان
سرور دنیا حسیندی
دلبر طاها حسیندی
گویده ملک لر آدینی ایتدی زمزمه
کرب و بلا شاهی بوگون گلدی عالمه
ای حسین جان_جان حسین جان
گل یوزی زیبادی زیبا اسوه تقوادی تقوا
حق بو حسینی بگنمیش دلبر زهرادی زهرا
نور خدا گل یوزینده گور نجه پیدادی پیدا
حجت یکتا حسیندی
دلبر طاها حسیندی
روح الامین سسلدی لای لای آقام حسین
جبرئیلم درگهیوه بیر غلام حسین
ای حسین جان_جان حسین جان
ماه منیری فلکدی، خادمی صف صف ملکدی
یوخدی بو شاهین نظیری، عالم خلقتده تکدی
آیه حق و حقیقت بو شهه الله کمکدی
نو گل زهرا حسیندی
دلبر طاها حسیندی
نور حسینی یارادوب حق اوزی ازل
جلوه لنوب دهریده اول نور لم یزل
ای حسین جان_جان حسین جان
ایتدی طلوع گون مثالی جلوه گر اولدی جمالی
گور نیجه بو شهریارون عرشه چیخوبدی جلالی
کیم بو شهه نوکر اولسا حشریده یوخدور ملالی
ضامن مولا حسیندی
دلبر طاها حسیندی
نوریدن اول شه ویراجاقدور علم اوگون
نوکرینه ایلیه جاقدور کرم اوگون
ای حسین جان_جان حسین جان
- چهارشنبه
- 28
- فروردین
- 1398
- ساعت
- 11:39
- نوشته شده توسط
- ابوالفضل عابدی پور
- شاعر:
-
رضوی زنجانی
ارسال دیدگاه