تا گل جمالون ای گلِ طاها عیان اولوب
عطرون گلوب حجاز دونوب گلستان اولوب
گهواره ده آچاندا گوزون دهر ایشیقلانور
مین کهکشان او کیپریگون آلتدا نهان اولوب
ای کعبه ی جلالت و ای قبله ی سجود
اَلنَّجمُ وَالشَّجَرده سنه یسجُدان اولوب
آیدا دونور هلاله باخاندا جمالوه
تعظیم ایدور سنه اودی قدی کمان اولوب
قرآنون آیه آیه سی وصف جلالتون
هر سوره یه کی باخمیشام حُسنون بیان اولوب
الله یازوب قباله ی دنیانی آدووه
پاک عشقووه صفالی ئورکلر مکان اولوب
آب حیاتی خضر گزن وقتده بیلمدی
جام محبتوندن ایچن جاودان اولوب
قیل #بابکه برات او شش گوشه مرقدی
هجران کربلادن ئورک ملکی قان اولوب
- چهارشنبه
- 28
- فروردین
- 1398
- ساعت
- 11:46
- نوشته شده توسط
- ابوالفضل عابدی پور
- شاعر:
-
حاج افشین بابک اردبیلی
ارسال دیدگاه