گوز آچدی عالمه زهرایه نورعین
رضوانه دوندروب مولا علی ایوین
عهد السته مست زیبا آدی حسین
شمس هدادی بو* ابرسخادی بو
تبریک و تهنیت اولسون پیمبره
دامادی حیدره زهرای اطهره
یا فاطمه مدد * یا فاطمه مدد
خلقت شکوهی دورباعثدی خلقته
بو جوهر وِلا ابقا ولایته
زهرا سودون اَموب چاتسون سعادته
لطف خدادی بو * ماه ِلقادی بو
عزّت گلی آچوب جانویردی گل لره
قونداقی نقل اولوب دیداره گویلره
فطرس قاناد لانوب فخر ایلر ایللره
ذکری دعادی بو * معجز نمادی بو
گلدی سالا دله نور محبّتی
تا ریشه دار اولا نخل شریعتی
بولدورسون عالمه معنای وحدتی
شمع ولادی بو * میر هدادی بو
گلدی بو عالمه ویرسون ندای عشق
لطفیله تا اولا دنیا سرای عشق
کرب وبلاده بو اولسون فدای عشق
دینه فدادی بو* مهر وفادی بو
بیرنهضت اوسته بودینه فدا اولار
خادم بدرگهی شاه و گدا اولار
درمان دردلر ذکری دعا اولار
درد آشنادی بو * مشگل گشادی بو
کوثربالاسی دورحسنونده یوخ مثل
خلق ایلیوب بونی آللهی بی بدل
بیرگوزگورنمیوب بوندان اولا گوزل
نور خدادی بو * قلبه صفادی بو
مفهوم علمدی دنیای بینشه
قرآندی ازبری سرلوح دانشه
خلقتده شاهکار بو آفرینشه
بحر سخادی بو* بال همادی بو
آلدی قوجاقینه ختم پیمبران
عطرین آلوب ولی ایتدی غمین نهان
اوپدی بوغازینی مطلب اولوب عیان
طورو منادی بو * سعی و صفادی بو
کربو بلانی بو خلد برین ایدر
قبرین زیارتین اهل یقین ایدر
درمان دردینی جان آفرین ایدر
باب شفادی بو * ابر عطادی بو
گلزار عشقیده آچدی گل مراد
اولـسون جهانیده خواهان عدل وداد
یاز«عدلی»مدحینی دللرده شوریاراد
کان وفادی بو * اسمی دوادی بو
اولسون گرک بوگون
دل لرده بو سخن
خوش گلموسن حسین
گل لندی انجمن
- چهارشنبه
- 28
- فروردین
- 1398
- ساعت
- 12:7
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه