بلبل لر اوخور نغمه ویرور گلشنه زینت
ایلولَّـه اشارت
وار بارش رحمت
حیدر لبی خندانیدی شاداندی او حضرت
اسباب مسرت
اولدی بو ولادت
عالملره جاندی
خورشید جهاندی
رخشنده جمالی
انوار جناندی
هم قارداشینا یاور و هم روح و رواندی
یا ابوالفضل آقا یاابوالفضل ...
رخشان یوزی بو طفلون اولوب لولو مرجان
چون نیرتابان
گلشنده چو ریحان
عالملر اولوب روز ولاسینده ثناخوان
بو گوهر شایان
دیلرده دی عنوان
والادی مقامی
دنیادی غلامی
بو ماه منیرون
عباسیدی نامی
بو حیدر ثانی دی علی ساندی مرامی
یا ابوالفضل آقا یاابوالفضل ...
حیدر یلی نون بیر لقبی میر حرمدی
هم صاحب علمدی
دریای کرمدی
اولدوخ بو گیجه بو یله بیر دست به دامان
بو سوز اولار اعلان
جانلار اونا قربان
اولدوخ نجه دلشاد
باعثدی بو میلاد
تا سینه ده جان وار
محکمدی بو بنیاد
دنیاده اولا ام بنینون ایوی آباد
یا ابوالفضل آقا یاابوالفضل ...
ای چاره سیز اشخاص لرون قلبینه یارا
ای ماه دل آرا
ای عالمه مولا
قبریندن اوتور سینه ده دیل اولدی شکیبا
گوزیاشی چو حمرا
آخدی یوزه مولا
بلبل گوله مایل
بیز قبریوه حامل
رد ایله حجابی
ایت بیزلری نایل
دعوت ایله پابوسیوه ای خور شمایل
یا ابوالفضل آقا یاابوالفضل ...
دنیاده دیمم عیب و خطادن بریم من
حق یاوریم من
چون حیدریم من
زلفی دی آدیم آل علی نوکریم من
کلب دریم من
عشق افسریم من
ای قبله حاجات
کاشف به مهمات
عباس آقا سندن
یوز دوندرم هیات
وصلوندن اوتور اولموش ایشیم ذکر و مناجات
یا ابوالفضل آقا یاابوالفضل ...
- چهارشنبه
- 28
- فروردین
- 1398
- ساعت
- 13:25
- نوشته شده توسط
- ابوالفضل عابدی پور
- شاعر:
-
حاج علی زلفی تبریزی
ارسال دیدگاه