شب میلاد ثارالله مبارک یا رسول الله
ائدوب لطفون نثار الله مبارک یا رسول الله
گوز آچدی عالمه/گل زهرا حسین
ملک سیما حسین/گوزل مولا حسین
گل باغ و چمن گلدی صفای انجمن گلدی
غریب کربلا گلدی عزیز بوالحسن گلدی
آچیلدی نوریدن بیر یول ملکلر عرشیدن گلدی
یاراتدی افتخار الله مبارک یارسول الله
حسیندور عالمه مولا یگانه اسوهٔ تقوا
حسیندور سرور کل کفن پوشان عاشورا
بیزوق تشنه حسین سقا بشر قطره حسین دریا
وئروب زیبا نگار الله مبارک یارسول الله
بو مولود مبارک که حسین آدیله آدلاندی
ئوپوب فطرس قماطندن باغشلاندی قنادلاندی
حسودین قلبی عود آسا یانوب مجمرده اودلاندی
عدونی ائتدی خوار الله مبارک یارسول الله
یانان عاشقلره مژده وئرون جانان وصالندن
گوزلدور حسنی یوسفدن باخان دویماز جمالندن
کنار لبده خالندن جمال باکمالندن
ائدوب نور آشکار الله مبارک یارسول الله
همان دلبر که عشقندن اثر واردی دل و جاندا
ائدوب نوریله دنیانی منور ماه شعباندا
ملکلر بیربیره وئردی بشارت عرش رحماندا
اولوب عشاقه یار الله مبارک یارسول الله
- چهارشنبه
- 28
- فروردین
- 1398
- ساعت
- 16:9
- نوشته شده توسط
- ابوالفضل عابدی پور
- شاعر:
-
ولی الله کلامی زنجانی
ارسال دیدگاه