ماه نبی پور علی شمس هدایت
بیت عدالتده بوگون تاپدی ولادت
دنیایه گلدی/زهرا مارالی
افلاکه وئردی/رونق جمالی
نور حسین شاخدی یره مثل ستاره
وئردی قدومی میمنت بو روزگاره
زهرا باخوب نوزادیده گویچک عذاره
تاپدیم دئدی حقدن عجب زیبنده خلعت
شاد اولدی گورجک اوغلینون زیبا یوزیندن
اعجاز خلّاقه باخوب چخدی ئوزیندن
آلدی قوجاقه نو گلین ئوپدی گوزیندن
سنسن اورک میوه م دئدی ای ماه طلعت
زیبا شقایق تک عجب بشاش سان اوغلوم
مین یوسف کنعانیدن سن باشسان اوغلوم
قارداشسیز اولسامدا منه قارداشسان اوغلوم
چکمز بئله اوغلی اولان قارداشه حسرت
عصمتلی صراف ال تاپوب بیر درّ نابه
باخدی اونا حمد ایلدی مالک رقابه
اسما ٕ بشارت وئردی فوراً بوترابه
الله سنه بیر ناز اوغول ائتدی عنایت
ائتدی بو مژده حیدر کراری مسرور
تاپدی اوغول دیدارینه بیر قلب پرشور
وئردی لب خندانیلن اسمایه دستور
زهرا گلین فوراً گتور ایلوم زیارت
چاتدی وفالی باغبان حاصل وصاله
باخدی ال اوسته نوگل طاها جماله
گوردی کمان قاشی وورار طعنه هلاله
به به دئدی اعجاز ائدوب نقاش خلقت
خوشدور تماشاسی گوروب فجر سحردن
گویچکدی سیمین صورتی گویچک قمردن
یارب دئدی حفظ ائت بونی سن بد نظردن
گل تک آچوب جان ملکینه وئرسون طراوت
- چهارشنبه
- ۲۸
- فروردین
- ۱۳۹۸
- ساعت
- ۱۶:۲۷
- نوشته شده توسط
- ابوالفضل عابدی پور
- شاعر:
-
سید تقی سیفی اردبیلی
ارسال دیدگاه