ای کریم ابن کریم عالم امکان حسین
پاک آدون عشاق ائدیب سرلوحه دیوان حسین
وصفیوه عاجز قلم ای وصفی وصف کبریا
ای صراط المستقیم ای بهترین راه خدا
ای جلال و شانینه حیران تمام انبیا
من کیمم وصفون گرک حق ایلیه اعلان حسین
بیر نگاهون ایلیر تپراقی سرتاسر ذهب
ای علی اوغلی سنه لایق دی ثارالله لقب
سن اوشهسن شه لر ایلر آبرو سنن طلب
ریزه خوار درگهوندور شاه هر دوران حسین
پور حیدر کان غیرت معنی عز و وقار
پاک آدون گلسه آلار هر قلبیدن صبر و قرار
گل آدون افلاکه بیجا، اتمیوبلر زرنگار
شیعیه سن سن ایکی دنیا سروسامان حسین
سن علینون اوغلوسان عالمده یوخ همتاسنه
روز مولودون اولوبلار حوریلر لعیا سنه
سیدی بسلر ارادت کل ما فیها سنه
قلب عاشق لر اولوبدور مهریوه اسکان حسین
منجنیق محنت و غم ایله بو قلبی سیخیر
خسته گویلومنن هرآن غم ناله سی عرشه چیخیر
سد صبری سیل هجر کربلا شاها یخیر
باخ نجه گور اولموشام من خانه سی ویران حسین
قاره پرچم آردیجا مولا دولانام کو به کو
قاره پرچمدور منه هر یرده ارباب آبرو
گورموشم بیر یول مزارون ای امیر خوب رو
شایقم بیرده گورم ای حضرت سلطان حسین
گر اولا قسمت ضریحون ، یوزقویام باش داشیوه
بیر سلام عرض ایلرم سوندان دولانام باشیوه
عرض قیلام عالمون جانی فدا قارداشیوه
نه گوزل جانین ائدیب دین حقه قربان حسین
سن او شه سن نازل ائتدی پیکینی،رب جلیل
نه سمادن اولدی اماده ائدوب ارضه رحیل
ایلیوب قنداقیوی پیرایه عرشه ، جبرئیل
شانوین اثباتینه کافیدی بو عنوان حسین
بو همان اول جبرئیل بیر گونده با افغان و آه
کربلایه نازل اولدی ایلدی اول نگاه
بیر چوخور یئر تاپدی، غم افزادور آدی قتلگاه
حضرت حق سویگولی گوردی دوشوب بی جان حسین
آچدی اول شهپرون اول شاهه اولسون سایه دار
آچدی ناگه گوزلرین دریایه عزتله وقار
عاشق و معشوق آرا سس گلدی اولما پرده دار
آختارور روز ازلدن بیله بیر عرفان حسین
سایوی گت جبرئیلا سن سپهدار اوسته سال
بی کمک یالقوز یاتان قولسوز علمدار اوسته سال
آدی سقا جان وئرن تشنه وفادار اوسته سال
نیلوری بو سایه نی مست رخ جانان حسین
جبرییلا گئت دولان تاپ جسم پاک اکبری
گور نه حاله اشقیا سالمیش اویورقون پیکری
قطعه قطعه دوغرویوبلار اشبح پیغمبری
بوغمه یانسا به جادور هر زمان هر آن حسین
گت کناره جبرئیلا زینب کبری گله
وای اوغول وای سسلسون قوی حضرت زهرا گله
وای اوغول وای ناله سیله شیونه دنیا گله
تا اولا یکسر بو دنیا دیده گریان حسین
وصف مولانی "جوانمردا" ایدوبسن سن رقم
بلکه یار اولدی سنه محشرده ارباب کرم
باشداکی اول بیتوی بیرده ائله زیب قلم
ای کریم ابن کریم عالم امکان حسین
- چهارشنبه
- 28
- فروردین
- 1398
- ساعت
- 16:29
- نوشته شده توسط
- ابوالفضل عابدی پور
- شاعر:
-
امین جوانمرد
ارسال دیدگاه