جهانی خلق ائدوب خدا فقط حسينون عشقينه
ياراندي جمله ماسوا فقط حسينون عشقينه
حسيندي مظهر خدا حسيندي مشعل هدا
حسین سفينهُ آلنّجا حسین شهید اشقيا
حسین معین انبیا قتيل دشت کربلا
يازيلسا صبحيله مسا کتاب فضلی جابه جا
خدا ديوبدي مرحبا فقط حسينون عشقينه
تمام اهل عالمه حسينون امتیازی وار
عموم خلق اولانلارين او سروره نیازی وار
خدای ذوالجلاليدن شفاعته جوازي وار
ئورکده سوز و سازی وار ديلينده کشف رازی وار
ائده لله غبطه انبیا فقط حسينون عشقينه
حسین خلیل عشقيدي مناسي کربلاده دي
منالرين فدالرين فداسي کربلاده دی
صفا و مروه نین گوزل صفاسي کربلاده دی
خلاصه شیعه درديون دواسي کربلاده دی
مریض لر تاپار شفا فقط حسينون عشقينه
حسينون آدينا فدا بالالاريم آتام آنام
ولیّ امريدور بيزه مباد حقّینی دانام
مصيبتينده روز و شب گرکدي آغليام،يانام
صفالي کربلاسينه گوزل مزاره قربانام
او بارگاه اولوب بنا فقط حسينون عشقينه
خدای حیّ لم يزل حسینی انتخاب ائدوب
او آلتي گوشه قبريني بهشتدن حساب ائدوب
سپهر آل عصمته حسینی آفتاب ائدوب
حسین قیام نهضته مقدّس انقلاب ائدوب
دل ايستر اولسون آشنا فقط حسينون عشقينه
"کریمی ام" آقام وئرن پایا قناعت ائتمشم
نه مصلحت ائدوب خدا اونا کفایت ائتمشم
حسین حسيندي ازبريم حسینه عادت ائتمشم
اون آلتي دفعه قبريني گئدوب زیارت ائتمشم
سورونّم ايلرم نوا فقط حسينون عشقينه
- چهارشنبه
- 28
- فروردین
- 1398
- ساعت
- 16:42
- نوشته شده توسط
- ابوالفضل عابدی پور
ارسال دیدگاه