ای شاه شهیدان که شه کرب وبلا سن
جانلار سنه قربان اولا سن خون خداسن
حسین من حسین من حسین من
بو عشقوون عالمده نقدر جلوه سی واردی
گه تشنه شهید سن گهی بیر ابر عطاسن
میدانگه عشق ایچره گهی قانیوه غلطان
گاهی حرم بارگه شمع ولا سن
گه بیر سود امر تشنه جگر خواهشی اوسته
آغوشه آلوب رهگذر کوی وفا سن
گه نیزه باشیندا ایدوسن آیه تلاوت
قوّت ویروسن زینبوه میر هدا سن
گاهی گیدوسن خولی ایوینده اونا مهمان
زهرانی چکورسن اورا مظلوم جفا سن
بو حسن و صفاتوندی خداوندجلیدن
سن سالک حق دین حقه راهنما سن
عاشقلرون ایستور آقا پا بوسیوه گلسون
احسانیله بیر دعوت ایله آل عبا سن
خادمدی سنه دردی دوا اولموری«عدلی»
بیر چاره اونون دردینه ایت باب شفا سن
- چهارشنبه
- 28
- فروردین
- 1398
- ساعت
- 16:47
- نوشته شده توسط
- ابوالفضل عابدی پور
- شاعر:
-
حاج افشین بابک اردبیلی
ارسال دیدگاه