گهوارده یات آغلاما لایلای حسینیم
قلب بتولی داغلاما لایلای حسینیم
من جبرئیلم باغریمی دوندرمه قانه
اولسون سنه جانیم فدا لایلای حسینیم
گهواره جنبانم سنه وار افتخاریم
بو خدمته مأمور ایدوب پروردگاریم
گلدیم سنه لایلای دیم ای تاجداریم
ای خامس آل عبا لایلای حسینیم
ای نور عین فاطمه شمس هدایت
آخریورولدون بیرزمان یات باری راحت
زهرا آناندا ایلسون تا استراحت
آز آغلا ای کان وفا لایلای حسینیم
بیربیرملک لرگلدیلر ای کان رأفت
قونداقوی گهواره وی ایتدی زیارت
امّا نصیبی اولمادی بیله سعادت
من تک سنه خادم اولا لایلای حسینیم
قربان اولوم گوز یاشیوا یاندیم آز آغلا
قوی بیردولانیم باشیوا یاندیم آز آغلا
غم یوز ویرور قارداشیوا یاندیم آز آغلا
سسلور منیله مجتبی لایلای حسینیم
سن میوۀ قلب بتول و مصطفی سن
آرام جان و طاقت شیر خدا سن
دین مبینه سن حسین تشنه فدا سن
یامَن ذَبیحا مِن قَفا لایلای حسینیم
قرآن و دینون ای اولان تشنه فداسی
عالم لری حیران قویان عشق و وفاسی
ای قتلگاهی دولدوران ذکرو دعاسی
مظلوم دشت کربلا لایلای حسینیم
ایمدی بو قدری آغلاما گلمه نوایه
سن آغلوسان غم یوز ویرور آلعبایه
گوز یاشیوی ساخلا حسین کربوبلایه
آغلار سنه ارض و سما لایلای حسینیم
- پنج شنبه
- 29
- فروردین
- 1398
- ساعت
- 9:57
- نوشته شده توسط
- ابوالفضل عابدی پور
- شاعر:
-
حاج بیوک آسایش
ارسال دیدگاه