گیت ای صبا ایله خبر دخت طاهایه
عباس نام آور بوگون گلدی دنیایه
یا زهرا. بشارت
یا فاطمه دور قبریدن گل تماشایه
بیرتهنیت سویله بوگون شاه بطهایه
گور بابی یانموش ایوده کیم گلدی دنیایه
به به بو مولوده بیله حسن زیبایه
بیر غنچه گل اچدی بوگون گلشن مولا
گلشن نه گلشن گل نه گل مثلی یوخ اصلا
رنگی گوزل عطری گوزل صورتی زیبا
غنچه دهن رخساری چون بنزوری آیه
قول لار اوزون اننی کورک قامتی طوبا
آنّی کشیده گوزلری آهو تک زیبا
قاشلار کمان مژگانی اوخ حسنه یوخ همتا
بیر سرو تک قدی سالوب عالمه سایه
الله بوگونده ایلدی لطف و عنایت
اوغلون حسینون یاوری تاپدی ولایت
آغوشه آلدی اوغلونی شاه ولایت
اوپدی گولون گلدی اودم آه و نوایه
توکدی سرشگین عارضه حیدر کرار
باخدی آناسی سرینی ایتدی استفسار
یابن الحسن ایله بونون علتین اظهار
توکدون ندن گوز یاشوی ماه سیمایه
فرمایش ایتدی ایتمه غم یوخدی نقصانی
معناده من گوردوم ولی قانلی میدانی
بو قول لاری ایلر قلم دشمن جانی
چوخ ظلم ایدر اهل جفا بو دل آرایه
بوقول لاری اعدا سالارکرب و بلاده
دوغرالا گول جسمون بونون قانلی مناده
قویمازلا بیرصاف یر قالا سالم اعضاده
مشک اوخلانار پرچم دوشر دشت بلاده
غمدن توکر رخسارینه قانلو گوز یاشین
آهن عمودیله یارار اهل کین باشین
سسلر حسین امداده گل اولدی قارداشین
عباسی اون یدی عدو آلدی آرایه
ای درد بی درمانلارا ایلیین درمان
اولسون مقام و شانوه جانیمز قربان
روز تولد دور بوگون ایتگیلن احسان
(ملایی) دست حاجتون اچموش اعطایه
- پنج شنبه
- 29
- فروردین
- 1398
- ساعت
- 10:17
- نوشته شده توسط
- ابوالفضل عابدی پور
- شاعر:
-
مرحوم صمد ملایی
ارسال دیدگاه