ای گُل ام البنین - عباس
سرور اهل یقین - عباس
پاسدار پرچم قران
حافظ دین مُبین – عباس
حیدره بنذر
اُمَّته سرور
یا ابو فاضل یاابو فاضل
مظهر مهرو وفـا گلدی
معدن جود و سخا گلدی
غیرتین معناسیدور مولا
ساقی کرب بلا گلدی
کان احساسدی - آدی عباسدی
یا ابو فاضل یاابو فاضل
بو آقا عشق ولایتـدی
نوگل باغ امامتدی
سرو مثلی قامتی رعنا
قاش گوزی ولله قیامتدی
حافظ قران – ساقی طفلان
یا ابو فاضل - یاابو فاضل
قارداشینه یار و یاوردی
شاه خیبر تک دلاوردی
آسماندا ماه نورانی
اهل بیته زیب و زیوردی
ای آدی سقا - غیرتی دریا
یا ابو فاضل - یاابو فاضل
قور خوسی یوخ فوج لشگردن
هیبتی چوخ مالک اشتردن
یکّه تاز عرصه ی میدان
حافظ اولدی حقلی سنگردن
آدینه قربان – سرور ایران
یا ابو فاضل - یاابو فاضل
جنگیده چون شیر یزداندی
غیرتی دریای جوشاندی
ویردی دنیایه ادب درسین
ساقیدی اما لب عطشاندی
ای گل خلقت – معنی عزت
یا ابو فاضل - یاابو فاضل
بو گیجه جشن ولادتدی
بزم احسان و عنایتدی
نوکر اولماق تاج عزتدی
بیزلره ولله سعادتدی
ایت بیزه احسان - ساقی عطشان
یا ابو فاضل - یاابو فاضل
ای گل باغ ولا عباس
عالمه مشگل گشا عباس
جشن میلادونده (پوریایه)
عیدیانه قیل عطا عباس
فاطمی خصلت - ای علی صولت
یا ابو فاضل - یاابو فاضل
- پنج شنبه
- 29
- فروردین
- 1398
- ساعت
- 11:2
- نوشته شده توسط
- ابوالفضل عابدی پور
- شاعر:
-
احمد پوریا
ارسال دیدگاه