عباس عباس – گل گلزار حیدر
عباس عباس – اوجا قامت دلاور
چشم و چراغ مولا – تولّدون مبارک
یار حسینِ زهرا – تولّدون مبارک
عباس عباس – نه گوزلدی جمالون
گلمز وصفه – درجاتون جلالون
الله وئردی – سنی امّ البنینه
حیران ائتدی – اونی حسن و کمالون
بارقه ی تولّا – تولّدون مبارک
یار حسینِ زهرا – تولّدون مبارک
عباس عباس – دل اولوبدی اسیرون
سن سلطانسان – هامی شاهلار فقیرون
برپا ائتدون – علم کربلانی
عالم بیلدی – که حسیندور امیرون
مظهر عشق و تقوا – تولدون مبارک
یار حسینِ زهرا – تولّدون مبارک
عباس عباس – اوجا شخصیتون وار
مه سیماسن – نه گوزل طلعتون وار
هاردا آدون - گله احسن دیرلر
عبد صالح – علوی غیرتون وار
نورون ائدوب تجلّا – تولدون مبارک
یار حسینِ زهرا – تولّدون مبارک
عباس عباس – ای علیدن نشانه
وئرّم سوگند – سنی صاحب زمانه
گوزدن سالما – بو اسیران عشقی
میلادوندی – بیزه وئر عیدیانه
دردلره قیل مداوا – تولدون مبارک
یار حسینِ زهرا – تولّدون مبارک
- پنج شنبه
- 29
- فروردین
- 1398
- ساعت
- 11:26
- نوشته شده توسط
- ابوالفضل عابدی پور
- شاعر:
-
ولی الله کلامی زنجانی
ارسال دیدگاه