عباس نام آور - نجل علی حیدر
ام البنین اوغلی - حیثیته مظهر
شه کربلانین شرافتلی وزیری
بو مه طلعتین یوخ بو دنیاده نظیری
یا عباس▁▁ درده دوا ابوالفضل
یا عباس ▁▁ای با وفا ابوالفضل(۲)
آل علی ماهی - غیرتلیلر شاهی
یوخدور صلابتده - همتاسی واللهی
مطیع رسول و ولی لم یزلدی
قسم آدینه هر گوزلدن بو گوزلدی
یا عباس ▁▁درده دوا ابوالفضل
یا عباس▁▁ ای با وفا ابوالفضل(۲)
یوخدور تایی تکدی - آی مثلی گویچکدی
سینمده بو شاهین -زیبا آدی حکدی
بو عشقی عطا ایلیوب خلاق ذوالفضل
ازلدن اولوبدی شعاریم یا ابوالفضل
یا عباس ▁▁درده دوا ابوالفضل
یا عباس ▁▁ای با وفا ابوالفضل(۲)
کنز متانتدی - بحر شجاعتدی
باشدان باشا وقر و اجلال و غیرتدی
مه آل هاشم کرم دریاسی عباس
یدالله ثانی حرم سقاسی عباس
یا عباس ▁▁درده دوا ابوالفضل
یا عباس▁▁ ای با وفا ابوالفضل(۲)
- پنج شنبه
- 29
- فروردین
- 1398
- ساعت
- 14:59
- نوشته شده توسط
- ابوالفضل عابدی پور
- شاعر:
-
حاج رضا محمدی ولایی
ارسال دیدگاه