• جمعه 10 فروردین 03


مدح و میلاد حضرت امام سجّاد(ع) -(فخر ایدور عرش معلا اهلینه اهل زمین)

703

فخر ایدور عرش معلا اهلینه  اهل زمین
چون بو گون قویدی قدم دنیایه  فخر  الساجدین


نور پاکی عالمی گون  تک مزیّن ایلدی
کون وامکانی هدایت نوری روشن  ایلدی
گلشن دین آچدی گل دنیانی گلشن  ایلدی
اولدی مدهوش عطرگلدن سربسراهل یقین


جلوه نوریله چکدی صورت شمسه نقاب
یوزویروبدورعمرودینه تازه دن عهد شباب
گوئیا  ایتدی  طلوع  برج  شرفدن آفتاب
اولدی بوخورشید نوریندن منّورملک دین


نیّرعرش وفادور شهریار مشرقین
جان شیرین علی  ختم المآبه نورعین
حجت چارم اوزی اسمی  علی بن حسین
هم ملقّبدور  بوشه  عالمده زین العابدین


تا قدم قویدی جهانه بو امام انس و جان
عالمینه  فخر ایدر بو شاهیله  ایرانیان
جسم دینه ویردی روحی تازه بیر روح  وروان
تاج عزتّدور جهانه بـو وجود  نازنین


خانۀ دین بوولادتدن بو گون آباد  اولوب
قید مِحنتدن تمام اسلامیان آزاد  اولوب
ساکنان عرش بومولوده یکسرشاد اولوب
شأنینه بیر بیله مولودین هزاران  آفرین


تخت عزتده بو شه بیر سرور آزاده دور
جمله شهلر بو شهین درگاهنه افتاده دور
هم آتادان هم آنادان واقعی  شهزاده  دو
اسمنه ایلرمباهات حشراولونجه  مؤمنین


جوش ایدوبدورقدرت خلاق حی ولایزال
لطف اوزیله خلق ایدوب بیرشهریار خوش خصال
سایۀ رحمت سالوب  دنیایه رب ذوالجلال
ایلوری بورحمتین شکرانه سین روح الامین


گلدی دنیایه چوخ عزّتله  بو میر با وفا
گلشن اسلام بوندان فیض الوب تاپدی صفا
کربلا دشتینده  آچدی ظلم  الین اهل جفا
ظلم وجوریله  ایدوبلر نازنین قلبین غمین


وردولاراودخیمه وخرگاهه اشرارزمـن
یوزقوب صحرایه قیزلا همچو آهوی ختن
قالدی اود ایچره ولی بو شهر یار ممتحن
اولمادی بیرکیمسه اول دمده اولایارومعین


تا بو احوالی گوروبدورزینب مِحنت شعار
آتش ظلم ایچره  قالمش حجت پروردگار
نارسوزانه اوزون وردی خانم پروانه وار
قویمادی یانسون اود ایچره اول امام المتقین


ای  تاپان  شهرت  آدی بیمار دشت کربلا
وی  دم پاکی  اولان  عالمده هر درده دوا 
(هوشی) عرض ایلرشهاویرهرمریضه سن شفا
سنده دور هردرد بی درمان درمانی یقین

  • پنج شنبه
  • 29
  • فروردین
  • 1398
  • ساعت
  • 15:4
  • نوشته شده توسط
  • ابوالفضل عابدی پور

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران