رخانه ی وحی اولوب جنت اعلا بوگجه
ماه گردون شرف ائتدی تجلا بوگجه
نوریله زینت آلوب عرش معللا بوگجه
دم دوتوبلار دئیه لر اهل تولا بوگجه
سنه احسان ائلین ذات تبارکدی حسین
اکبرون گلدی بو دنیایه مبارکدی حسین
خاندان نبوی شاداولوب ای دل بوگجه
سنده شاداول اولاجاق حل مشاکل بوگجه
صله زهرادی وئرن ایستسه سائل بو گجه
وئردی مولایه خدا هدیه ی کامل بوگجه
حمد لله بویوروب گلدی بو آیدین سحریم
قویدی دنیایه قدم کرب وبلا همفسریم
ملک عشقین بو بالا مهر فروزنده سیدور
گنج عشق وشرفین گوهر ارزنده سیدور
خیردا دور گرچه ولی پیرخرد بنده سیدور
کربلا عرصه سینون عشقیلی رزمنده سی دور
آدی تاریخه شرفدور گوزل آینده سی وار
گرچه آز عمرائلیر دولت پاینده سی وار
عطرجنت یایلور هر نفسیندن چمنه
گوزل آدی بو گجه زینت اولوب انجمنه
گرچه دیلسیزدی هله گلمیوب اصلا سخنه
هرباخیشدا سوزی وار غنچه لبیندن ئوپنه
گوئیا سویلر اوپون وصل ایوی ویران اولاجاق
بو دوداقلار که گورورسوز عطشیندن سولاجاق
باغ زیبای حسینون نه گوزل لاله سی وار
آغلیان وقته جماله دوزولن ژاله سی وار
آی کیمی نوریله رخساریده بیر هاله سی وار
بیرجواندور که اونون پیرو صد ساله سی وار
کربلاده هامیا شاهدخلقت تانینار
اسوه ی معرفت وهمت وغیرت تانینار
- پنج شنبه
- 29
- فروردین
- 1398
- ساعت
- 15:25
- نوشته شده توسط
- ابوالفضل عابدی پور
- شاعر:
-
حاج داود بیدق داری
ارسال دیدگاه