نیمۀ شعبان ولایت بیتونون دردانه سی
قویدی دنیایه قدم فرزانه لر فرزانه سی
حُب عشقی بیر شراب ایستر یَمِ عرفانیدن
ساقی بیر جام ولایت ویر اولوم مستانه سی
بیر محبت جامی دولدور ساقی باهم مست اولاق
کافیدی مست اولماقا بیر جرعه سی پیمانه سی
سنده مست اول منده بو جام ولایتدن مدام
باغلیاق تا باغلی قالسون غیر حق میخانه سی
نغمۀ عرفان اوخور گلشنده بلبل هر زمان
مهدیه خاطر مهیا دور سویی هم دانه سی
ابر رحمت سایه سیندن خرّم هر سرو و چمن
صاحب جود وکرم دورحُسن شمس ایوانه سی
شمس افلاک ولایت رهنمای راستین
نورپاکیله اولار روشن گوگول ویرانه سی
کشتی ایجاده لنگر حاکم دین مبین
گورمیوب چوخ عده اما عاشق و دیوانه سی
حُجّت قائم گل زهرا امام آخرین
گل وجودی شمع دور جانلار هامی پروانه سی
اذن آلار بیرگون ظهوره خالق رحمانیدن
تا ایده دین ملکون آباد قالمیه بت خانه سی
گوزتیکوب گوزلور یولون «عد لی» اورکده دردی وار
عید اولاندا شعر اوخور تزئین اولارکاشانه سی
- سه شنبه
- 3
- اردیبهشت
- 1398
- ساعت
- 11:0
- نوشته شده توسط
- ابوالفضل عابدی پور
- شاعر:
-
حاج اصغر فرشچی
ارسال دیدگاه