لطف حق شامل اولوبدی یر یوری گلشن اولوبدی
کربلا شاهی حسینون دیده سی روشن اولوبدی
حق حسینه پای وئریبدی
بیرایشیقلی آی وئریبدی
حضرت زهرایه بنزر
آناسینا تای وئریبدی
یارقیه جان مدد
لعل تک لبلری زیبا صورتی آی تک دل آرا
خلقا وخلقا گوزلدی گوئیا حضرت زهرا
مظهر زهرا گلیبدی
هستی مولا گلیبدی
نوه ی ساقی کوثر
گوهر زیبا گلیبدی
یارقیه جان مدد
ای ربابین نورعینی ای گوزل آدی رقیه
ایسته حقدن محو اولا تا یکسره آل امیه
شیعه لر چاتسینلا کامه
دیل نولار یتسون مرامه
روزمیلادیندا یکسر
گل سپاخ بیز شهر شامه
یارقیه جان مدد
قسمتیم اولسا مزارین گرده راهیله بوروننم
گوزلریم گورسه اوقبری یوز قویوب یرده سوروننم
قبریوین چوخدورصفاسی
اوگوزل صحن وسراسی
مدفنین دارالشفادی
اوردادور دردیم دواسی
یارقیه جان مدد
گلساخ اول قبر شریفه الده گهواره گتورروخ
شامه بیز آغلارگوزیله سنه گوشواره گتورروخ
ایسته یول شامه سالاخ بیز
دردیوی جانه آلاخ بیز
آدیمیز اولسون مدافع
شامده خادم اولاخ بیز
یارقیه جان مدد
- سه شنبه
- 3
- اردیبهشت
- 1398
- ساعت
- 11:39
- نوشته شده توسط
- ابوالفضل عابدی پور
- شاعر:
-
داود قره زاده
ارسال دیدگاه