نیمه ی شعباندا قویدی مهدی دنیایه قدم
دست حق چکدی ستم طومارینه نقش عدم
فی الحقیقت اسدی عالمده عدالت پرچمی
طارم اعلاده جبریل امین وردی علم
حق وجوده گلدی باطل مضمحل اولدی بوگون
گلّنوب گلزار ایمان چون گلستان ارم
شاد اولوبدی بو خبردن ساکنان نُه فلک
نرجسین قلبین سؤندوردی خدای ذوالکرم
یوسف آل محمد عدل گستردی اونون
وصفینه قاصردی دل تمجیدینه عاجز قلم
چشم بیگانه گورنمز بو ایشیقلی کوکبی
گوزلری کور اولدی گورجاق نورینی قوم ظُلَم
نو گل نرجس صفا وئردی تمام عالمه
برطرف اولدی احبّادن داخی هر درد و غم
حامی قرآن و دین و دادخواه مسلمین
مهدی صاحب زمان بنیان کن کاخ ستم
محرم راز قلوب مستمندان جهان
دردمندان دردینه ایلر دوا اول محترم
وار امیدیم بیرگونی الده حُسام انتقام
قان آلا اشراریدن سردار دین حیدر شیَم
- سه شنبه
- 3
- اردیبهشت
- 1398
- ساعت
- 11:55
- نوشته شده توسط
- ابوالفضل عابدی پور
- شاعر:
-
حاج رحمان شاجری زنجانی
ارسال دیدگاه