عشق عالمی نوش ایتدیم صهبای ابالفضلی
درک ایلییم اولده معنای ابالفضلی
هرگون که ورق ویردیم مین دفتر عشاقه
گوردوم که ایچن چوخدی صهبای ابالفضلی
نقاش هنرمند ارباب قلم گوردوم
عشق اوسته چکیر نقش زیبای ابالفضلی
به به بئله نقاشه اسپهر ولایتده
آیداندا چکوب آیدین سیمای ابالفضلی
گلزار دیانتده چون سرو سهی قامت
مردانه چکوب قد رعنای ابالفضلی
گوزلر شوه دن قاره ابروسی کمان اما
دای بیرده بشر گورمز همتای ابالفضلی
بازوی تواناسین حیدر ئوپوب اوَّلده
چون گورموش اوگونلرده فردای ابالفضلی
منشی قضا عهد و پیمان الستینده
تحسین ایدوب اوَّلجک ایفای ابالفضلی
شمع شرف عشقین پروانه سیم نیلیم
مولا چاغیریم منده مولای ابالفضلی
یاباب الحوایج سن ائللرچاغیران یرده
گوزلر بو سینیق قلبیم ایمای ابالفضلی
شانیم اوجالوب عرشه لطف و کرمیندندیر
ائللر اوجاساخلاللار شیدای ابالفضلی
اللی نچه ایلدور که بیر قطره مثالینده
جان تک گزورم هرگون دریای ابالفضلی
گرعاشق صادق سن ای خادم درگاهی
سرمشق ایله عالمده تقوای ابالفضلی
اگنونده قرا کوینک اگلش دیزی اوستونده
حفظ ایله مقامات والای ابالفضلی
من نوحه دیوم سنده قان آغلا عزاسینده
سیر ایله کمال اوسته صحرای ابالفضلی
قان آغلاما بیهوده ای دامنی آلوده
چکمه یوزه هرحالدا دعوای ابالفضلی
بیرگوز ایکی قول ویردی دین و شرف اوستونده
ارباب کرم گورسون سودای ابالفضلی
بیر جرعه سو اوستونده هنگامه دوشن یرده
اصغر بیله درک ایتدی معنای ابالفضلی
سرلشکر اسلامین ای خیرداجا سربازی
دای بیرده ایشیدمز سن آوای ابالفضلی
نوفل ایله کی ویردی باشیندن عمود آهن
سیندی باشی تار ایتدی دنیای ابالفضلی
آتدان یوزی اوستونده دوشدی یره یامولا
تپراقدا نشان قیلدی سیمای ابالفضلی
درک ایلدی الحاصل اخیامیده مولاسی
گفتار دل انگیز و شیوای ابالفضلی
یعنی که حسینیم گل یغ بیر یره یامولا
تپراقلارون اوستوندن اعضای ابالفضلی
قان آغلادی محنتدن مانوس ملال اولدی
کیم گوردی بواحوال مولای ابالفضلی
آتدان کی یخیلدون سن سسلندیلر عطشانلار
سیندیردی عدو جام صهبای ابالفضلی
ای (مژده) تلاش ایله گورسون صف محشرده
پرونده اعمالون امضای ابالفضلی
- سه شنبه
- 3
- اردیبهشت
- 1398
- ساعت
- 12:7
- نوشته شده توسط
- ابوالفضل عابدی پور
- شاعر:
-
مژده اردبیلی
ارسال دیدگاه