گلدی دنیایه دردلرون درمانی
ادی رقیه حسینون ریحانی
کُر::
گوزلرون ایدین یاحسین یامولا
قسمت ائت شاها بوجَمعه کربلا
مشگل اچاندی رقیه نون ادی
درده درماندی رقیه نون ادی
عشاقه جاندی رقیه نون ادی
عشق اهلی اولسون ادینون قربانی
اوخشیور گوزدن اناسی زهرایه
الله پای ویردی بوگونده مولایه
ویرمز عاشقلر بیرمویون دنیایه
ایدوبدی گلشن دشتیله صحرانی
تار زلفی اوخشور شب یلدایه
ویرمژده ای دل بلبل شیدایه
نغمه اوخوسون بو مَهِ زیبایه
شاد ایدوب اهل جنت الاعلانی
سویلدی مولا مه جماله قربان
دانیش منیلن منده دیوم جان جان
باخاندا سنه یادیمه سالورسان
جوان وقتینده قوجالان زهرانی
باب الحوائجدوربو قیز ای یاران
صدقیله سسله درد الینده قالان
یاره لی باشه قسم ویر الارسان
چون قوجاقینده چیخدی بونون جانی
سسلدی بابا گلدون سنه قربان
آپار منیده دگئدنده ای جانان
خرابه لرده اولموشام باغری قان
شامه یثربدن گویا گلوب ثانی
اکبریمدن چوخ اولموشام گلیلی
صورتیمه باخ دشمن ووروب سیلی
فاطمه مثلی یوزوم اولوب نیلی
خراب اولیدی باباجان دنیانی
"متقی"چوخدی یازماغم ومحنت
نولیدی بیرده اولسیدی امنیت
گئدیدی شامه امنیتده هیئت
دییدوک سن سن دردلرون درمانی
- سه شنبه
- 3
- اردیبهشت
- 1398
- ساعت
- 12:13
- نوشته شده توسط
- ابوالفضل عابدی پور
- شاعر:
-
حاج محمد متقی تبریزی
ارسال دیدگاه